|
|
|
زان القصيد وقيمة الشعر لا زان
انك على اللي يعشقونه تذيعه
يقولها اللي عارف كل الاوزان
نظم الشعر عنده من الله طبيعه
جال النظر والفكر في كل الاوطان
والله ما يوجد بكل الوسيعه
دولة سحابة خير واشجار أمان
دوحة رخا في ظل حكوم الشريعه
اعني السعودية لها المجد عنوان
معروفة في منزلتها الرفيعه
الشعب والقادة يعلون الاركان
كل الوفاء بارض الجزيرة جميعه
ان جيت لداخل ولا الشعب فرحان
وان رحت بالراء شفتها بالطبيعة
وكذلك في قصيدة وطنية أخرى:
همست كتاب للأحبه رقيقه
من خاطر يهوى القصايد والاشعار
هذا الوطن للمجد وجه طريقه
واجب علينا نغرس الدرب بازهار
ذخر مشاريع الوطن بالدقيقه
كثر الدقايق عندنا انجاز واعمار
|
|
يا روعة ال·قبل امس قبل امس مولود
يوم التقى حظي بحظك خرجنا
بالصمت سولفنا عن ايامنا السود
ساعة نطالع بعضنا ما هرجنا
يا حلمي الضايع عذاباتك شهود
واحلامنا اللي قبل اعرفك نسجنا
كني عشقتك طيف وادفتك عود
حتى لقيتك واقعي وامتزجنا
مدري أنا والا أنت ما حس بحدود
كل الحقايق ترجمتها مهجنا
كنا نعيش العمر في درب مسدود
متنا انتظار وقرب الله فرجنا
اعيش باروع حب ما دمت موجود
يا اجمل جمال الكون من خير مجنى
ويقول في قصيدة جميلة أخرى
نسيت أنا الماضي بلحظة وصولك
لقيت بك نفسي وصدقت وآمنت
يوم القدر قبلك بعث لي رسولك
كنت أحلم بواحد يشابهك جيت أنت
الغيت من قبلك وبعدك وحولك
فجرت زلزالك على واقع أسمنت
اشعلت عمري في حرارة فصولك
كنت انتظر حب خرافي لما كنت
الارض عطشي وارتوت من هطولك
حان او تحال الجرح والترف من حنت
طال انتظاري وانت تسرج خيولك
وقبل انتصار الياس عندي تبينت
فتحت عيني كحل الرمش زولك
سمعت صوتك وشفت عينك تيقنت
|
|
لا جيت ابسأل وش كثر من سعولك
المح شموخك واقتنع ليش ما اذعنت
تميت حسادك وتذبح عذولك
بك عزة العاشق وشاعر الى لنت
عندي الخطا وارد وعندك حلولك
كم مرة حاولت تزعل وهونت
واثق ورايع راسخ في اصولك
يا وافي موته ولا قولة : خنت
|
|
دامك مسافر لا يطول غيابك
لو لا ظروف تعرفه كان أخاويك
يبدا الفرح لا قلت لي: مرحبا بك
ويزيد لاجت بعدها : يا هلا فيك
من زود حسنك والبها والحلا بك
أحس لا جيت أمدحك كني اهجيك
كان الشعر يكره قيود المشابك
فاللي جرح حلم الليالي شبابيك
يا سيد الاحباب بي مثل ما بك
أنا أحبك حيل واهواك واغليك
كل القصايد نوخت عند بابك
الشعر شعري والمعاني معانيك
ويقول في قصيدة اخرى
أكبر من الغلطه تسرع قرارك
كدرتني وانت عسى ما تكدرت
نست طهر الثلج واشعلت نارك
وارجعتني للخلف وانت تأخرت
راع الخطأ ليتك تركته يشارك
حاكمت اجمل ذكرياته وقررت
فرحت من حرصك لرد اعتبارك
لكن بها الاسلوب وشلون فكرت
|
|
واليوم مر شهور حسب اختيارك
ان كنت من كل الروابط تحررت
او كان بعدي يسعدك جيت ابارك
لو ان بعدك جرح مهما تصبرت
وكانك تبي اللقيا انا بانتظارك
يالله عسى ردك مثل ما تصورت
|
|
ليت الغياب المشكلة سر الغياب المشكلة
تعبت ادور عن سبب وصلت حد المستحيل
قلت الظروف وحكمها قلت العواذل اوهله
قلت: المرض - لا قدر الله والمرض ضيف ثقيل
عجزت لا أحصل جواب يروي ظمأ هالاسئلة
بحثت في كل اتجاه من دون ما حصل دليل
جميع باب للغياب اقدر عليه أبوصله
زادت مساحات العطش من يوم جف السلسبيل
|
 |
|
