يابن الشراري مرحبا فيك واهلين
يامحلا الفنجال والجمع ملتم
في مجلس ما فيه شخص بوجهين
فيهم كبير السن بالراي ملهم
وفيهم شباب ساير درب ماضين
اهل الوفاء وافين لو صار لك غم
رفيقهم مبسوط ولو ثقله دين
محمد عبدالله الحنيني
القصيم - البكيرية
مثل الحفر في شامخات الصفا الصم
الدين بين وعزة الله عمى عين
ابعد عنه يرزقك ربي وتغنم
اموسع الضيقات يقضي لك الدين
طارق غازي الغبيوي العتيبي
المدرع
الرجل ما هو يا لشراري ولد عم
يا جعله ابعد عننا من ثرى الصين
كله ضرر ما به نفع بعده اسلم
ما سج رجال وعلى ظهره الدين
رائد غازي الغبيوي العتيبي
المدرع
تجري له عروقي غلا ما هي بدم
وله في ضميري يالشراري بعد دين
حلفت لامن قال وا قلت له سم
حيثه سنا في يا بعد رمش هالعين
كبرياء العتيبي
ملوح يا ابن العم هاك وتولم
ارسل جواب اللغز بالشعر بيتين
لغز الشراري يا أبو خالد منظم
الدين حمله يالرجال الفطينين
سالم مقبل الغرابي الحربي
النبقية
لغز التراث اليوم جذل ومنظم
وحله ما ظن يطوف ناس فطينين
الدَّين سقم العين يالله ترحم
ناس غرقتبه وزادوا الحمل حملين
منيف مقبل الحربي
السحابين
أهلا هلا بأعداد حي وسط يم
واعداد مازار الحرم من مصلين
للشاعر اللي صاغ لغزه وحكم
عبر الجزيرة وابتلش به كثيرين
يا بوشهد جعلك من الهم تسلم
وفي كل حال يجنبك ربي الدين
عرفت لغزك واعرف انه تحكم
بأخوك مع ناسٍ الوف وملايين
عبدالرحمن سارح الشراري
قريت لغزك يا شراري علي ام
والحل لك مكتوب بالشعر بيتين
هذاك هو الدين راعيه في غنم
واناء من اللي عامله بضعة سنين
مساعد رباح الرشيدي
الرياض
يمبارك اللي باللقاء تارد الجم
يبن الرجال الطيبين الوفيين
يا فزعة المضيوم لاصابه الهم
نهديك رد بالوفاء له عناوين
لغزك كما ريح الخزامى الياشم
او ريح ورد يانعن بالبساتين
هاك الجواب ولك تحيه وتسلم
جواب لغز صار حله هو الدَّين
عبدالله غازي عيد الحنيني
منطقة القصيم
سلام مني عد مالغيم يردم
على مبارك عد ما ترمش العين
يا شاعر اللي بكل ما قلت نعلم
قولك جميل واضحا بالتلاحين
والدين هما وقيل هما بثرهم
ناسا تكب انعام وفيه ناس مقوين
ياللي عطاك الله من خير ونعم
فك الاسير اللي ضعيفا ومسكين
حمود عائد سالم الرويلي
سكاكا الجوف
يا مبارك بصيلان ياعل تسلم
تسلم يمينك ياحفيد الوفيين
لمجاوبك بالرد يالقرم ملزم
وبحلول لغزك بالجزيره حريصين
بتراثنا كان العطاوي تكرم
اللغز حله تنظره بين قوسين
ياكم كريما من ديونه تحطم
زادت غرابيله من الهم والبين
لاشك ربك يافتى الجود يرحم
لابد ما يهون بعد عسرها لين
محمد البوجان الشراري
الحديثة
سلام ممزوج بكادي وبلسم
عطره من الباحه عبير الرياحين
لابن بصيلان الشراري يسلم
ساكن طبرجل بين خضر البساتين
الدين ليل حالك نوره اظلم
الله يجيرك يا مبارك من الدَّين
مبارك نايش علي الغامدي
من الباحة الخضراء
كم يشتكي من عسر الايام مسلم
الله يبدل عسر الايام باللين
الدين هم وراعي الدين مهتم
ليله الى نام البشر صار ليلين
يجمع ويطرح في خياله ويقسم
والصبح يرجع يوفي الدين بالدين
خلف الاسيد الشراري
القريات
الله على اللي صاغ لغز منظم
عبر الجزيرة كاتبه وسط بيتين
ساعة قريته بالعجل قلت له: سم
حاضر وحلي ياصلك بعد يومين
الله يكفينا بلا الهم والغم
يابن الشراري والفتن والشياطين
هذا ولغزك دين والدين لاتم
يقضي على راعيه والناس حيين
سلمان بن عبدالله سليمان النتيقي
الزلفي
الدين سقم العين ياناس لاتم
يروغ دم الوجه لو كان به زين
قلته واعيده يالشراري وتسلم
جعل الولي يحماك من غلبة الدين
سلطان الجروان
الزلفي
أنا بجاوب كاتب الغز وفهم
ببيات شعرا راجحه فالموازين
الدين يامبارك على الدرب مظلم
ما تقبل الحجه مع الدين للدين
لابد تستاذن من الدين وتهم
تستاذن اللي حملوك المليين
فهد مويس الحمراني
الدوادمي
عام جديد يهل والشعب ينعم
في ظل مروية السيوف الميامين
ما فيه لا ظالم ولا شخص يظلم
دستورنا القرآن ما به قوانين
نرسل لبو نواف عساه يسلم
ونعطيه حل اللغز ما فيه تخمين
قل للشراري حج عساك ترحم
وان كان مديون اعتذر من هل الدين
موسم بن سفر القثامي
الطائف
راعي طبرجل ياهل العرف يزهم
يبغي جواب مختصر بين قوسين
عساك يامبارك بصيلان تسلم
تسلم من الديان وتملك ملايين
يغنيك عنهم راعي الجود الاكرم
اللي يبون العشر ترجع بعشرين
الزلفاوي
الزلفي
حياك ربي يامبارك وتسلم
يوم ان لغزك كامل وافي زين
والدين نوعين وهي كلها هم
يالله عسانا وانت منها نجيين
مبارك محمد بن طرجم الضعاوين
وادي الدواسر - القرعة
الصفحة اللي تجمع الكيف والكم
يا اللي تحب الزين تلقايها الزين
فيها رجال مخلصين بعملهم
الله يوفقهم معي قولوا آمين
الدين يامبارك مصيبه وعلقم
عدو عينك عيشته دين في دين
محمد عبدالكريم الغزي
الزلفي
قوم يانديبي ورحلي وسلم
لهل الوجيه الطيبة والوفين
وصل تحياتي لهم ثم تكلم
لاجيت ابو نواف ريف المساكين
وقله عرفت اللغز والحريفهم
تراهو الدين هو عامي العين
سعود ثواب سليم المطيري
تبوك
