|
|
|
حبك رمى قلبي على رمال جالك
والنفس بشراقك نساها المغيبي
زينك يكمل يا حبيبي دلالك
قلبي بيدينك لا يردك نحيبي
|
|
ابعدتك المسافة واشغلتك الدروب
وسط دنيا جديدة جيت شطآنها
كل شيء تغير فيك وصرت لعوب
من فعالك عيوني حار برهانها
|
|
غضي النظر يا عين لا تناظرينه
ما عاد ودي التفت له واحاكيه
مليت من كثر التسامح عطينا
يخطي وانا اللي دايم كنت أراضيه
|
|
يا معذبي بعد الهنا أنت ادرى
لا تنشغل في قلب يسلا مع الوقت
شي جرى لي منك ما اظن يجرى
بين الحيا والموت منك تعلقت
|
|
التفت لي يا هوى بالي ووده
وارحم اللي ضاع في دنيا السراب
دايم العبرات للذكرى تشده
قلبي المسكين في حبك مصاب
يسألوني عنك وينه وين حده
وين خل رافقه قلبك وذاب
مسكنه في نجد أو غربي بجده
أو خذاه الساحل الشرقي وغاب
والحزين اللي زبنكم لا ترده
وطنه في نظرتك بعد اغتراب
من طواه الشوق مثلي باح سره
تفضح المشتاق, رفرات العذاب
|
 |
|
