انشدك عن بنتٍ سريعة كما البرق
من عمها تظهر الى صار مقهور
مايردها رجل من الغرب للشرق
تنمو والي الكون والعبد مامور
وهي دعوة المظلوم وجاءتنا الحلول التالية:
حي التراث اللي عن الكل به فرق
واللي نشد حية بالألغاز مشهور
عبدالله الأطرش لها إمعبد الطرق
بمجلدات ست للكل منشور
ذي دعوة المظلوم حقه غدى سرق
يشكي على اللي نزل النور مقهور
قلب الحديد ايلين لا ناشه الطرق
واللي إمصدي لمس يدعيه منثور
فهد بن عقيل الطويان
بريدة
اهلاً هلا باللغز مع ساير الطرق
اعداد ماشا لو على كل مظهور
ويادعوة المضلوم ماتنفع الدرق
تاتي ولي الكون والذنب مغفور
عوض بن دغيمان العنزي
تبوك
هلاببو صالح عدد نايح الورق
وماذعذع الغربي ومن شاهد النور
عبدالله اللي يحكم اللغز والطرق
فيهم ماللغاز بارع ودكتور
رع الكرم بستاهل المدح اله فرق
عذروب راع الطيب غائب له شهور
يالله يامنجي نبيه من الغرق
أقبل دعاء المضلوم ونكب هل الزور
موسم بن سفر القثامي
الطائف
يامرحبا بك عدما ناحت الورق
ترحيبة مثل الذهب مابها زور
دعوتك ياالمظلوم بالغرب والشرق
تنحر ولي الكون بالشرع مذكور
عبدالعزيز عبدالرزاق القشعمي
الزلفي
يالله ياحافظ كتابك من السرق
ياقابل دعوة من الناس مقهور
تحفظ عبادك من مصايب هل الدرق
اللي لهم بالظلم باعات ومتور
يوم ان الأطرش حط لغزه على الورق
حليت لغزه والدعاء نوب محذور
محمد جايز بن شويمي
القصيم/ بريدة
بين الجزيرة والجرايد ترى فرق
فرقٍ مثل فرق الليالي عن النور
لغزك يابوعابد وضح لي كما البرق
دعوة من المظلوم لاجاله الجور
محمد بن مريقب السويدي
حائل - الفرحانية
عبر التراث قريت لغز على ارق
من شاعر ذكره مع الناس مشهور
الناس يالاطرش ترى بينهم فرق
ولاكل بنت تحسبنه من الحور
وموسى دعى ربه ينجيه من الغرق
ونجاه زي فوق الالواح مسطور
المرسل راضي بن فهد الراضي
البنت عن بيض العذاراء لها فرق
البنت باتت واضحة كنها النور
الله يجيرك يابن الاطرش عن الدرق
عن دعوة المظلوم لصار معسور
شامان هديبان الرشيدي / حائل
قريت لغز جيد القاف والطرق
نحوم حول الحل مرات وندور
ربع الجزيرة عندنا مابهم فرق
اللي يساهم في مساعيه مشكور
قلب الفتى المظلوم تلقى به الحرق
يرفع يد يه إلخالق الكون مجبور
علي رشيد الرشيد
رياض الخبراء
ياولد الاطرش لغزكم واضح الطرق
كل قراه وطالب الحق منصور
ذي دعوة المظلوم مابينها فرق
هي والسهم مايردها الجدر والسور
ياسر تركي الحربي
دخنة
الصفحة اللي للمكارم تطرق
الكل يرغبها ويثني ومسرور
واسرة شرفها بينهم مانفرق
بتراثنا الكل يعمل ومشكور
ومن الحديثه صغت خطى وشرق
لعبد الله الاطرش بعد كل مغرور
اللغز حله من تمعن وبرق
عن دعوة المظلوم مايشهد الزور
نخشى ولي العرش عنها نتدرق
لعل نصبح من هل الحوض والحور
محمد البوجان الشراري
تحية من العارض تلمح كما البرق
لعبد الله الاطرش توصل على الفور
بنت سريعة والباقي بها فرق
والياعفى صاحب الحق ماجور
اقولها كان يالي جابها طرق
هي دعوة المظلوم والعبد مامور
مها العبدالله
من الرياض
قم يانديبي عسى مسيرك موفق
ود الرسالة يم الاطرش ومشكور
قله تروح من الرس وجهة الشرق
لدار قريبة منك والدرب مخبور
ثم اركب الموتر وليا ترفق
لكن انتبه لايكون بالدرب ناضور
وليا وصلت التي مع مفرق الطرق
خذ اليمين ياخوي لو كنت مجبور
رح لعشير عليه اجاوب الورق
انوح طول الليل والقلب مقهور
قل دعوة المظلوم اسرع من البرق
عله يلين القلب واكون مسرور
محمد العبدالله
الرياض
مالوم أنا العاشق وعيونه الغرق
لو ينثر الدمعة على الخد معذور
عبدالله الأطرش في لغزكم فرق
ياشاعر في نظم الألغاز مشهور
ذي دعوة المظلوم في خافقه حرق
يخافها من يسمع النصح والشور
مشاري خالد الدعجاني
شقراء
أنا أشهد إن الحل مايحتمل فرق
إليا من دعا المظلوم لاشك منصور
راشد الشقيق
الأسياح
الحق هو والظلم بيناتهم فرق
من جنس فرق الخرمسية من النور
في الناس ناسٍ ترغب الجور والدرق
ولاتمانع تظلم وتشهد الزور
لاجاك منهم مايحسك من الحرق
اطلب جليل الملك مهلك هل الجور
يمرق سهوم دعاك في ظالمك مرق
مابينك وبينه وساطه ولاسور
هو مالك الأملاك من غربٍ وشرق
له خر موسى وانصعق جانب الطور
سعود بن عبدالرحمن اليوسف
أشيقر
سلام مني عد ماناحت الورق
واعداد ماينزل من المزن ممطور
ياصل للاطرش جاه من يمه الشرق
ولغزه دعاء المظلوم راعيه منصور
محمد صالح العضيب
البدائع
اللغز يالأطرش حرقته لنا حرق
واضح ولايحتاج نشده ولاشور
هي دعوة المظلوم بالغرب والشرق
يارب تكفينا دعى كل مقهور
عبدالله بن فهد الهويشان
الرياض
حييت ياالاطرش عدد نايح الورق
ترحيبةٍ باغصانها الذوب منثور
يامن خويه ماشكى البوق والدرق
وبيته للريان المناعير منحور
البنت دعوة محرقٍ ضامره حرق
لامن زعجها شاكي الظلم والجور
يفتح لها باب السماء تطرقه طرق
كم زلزلت من عين ظالم ومغرور
مبارك نايش علي الغامدي
مطار القريات
يامرحبايا شاعر يحسن الطرق
خبير في سبك المعاني ودكتور
سبحان وال الكون ومدير الخلق
يسمع دعاء المظلوم من فاعل الزور
صويلح بن عبيان الشيباني
الرياض
اهلا هلا بك عد ماناح من ورق
واعداد ماسطر من القاف بسطور
ياشاعر اللألغاز عندك لها طرق
مصدر لها كتبٍ به الدر منثور
نوع بها الأجزاء والحسن والفرق
هذاك ابو صالح بها خوش دكتور
ويبي جواب اللي كما سرعة البرق
دعوة بها المظلوم لابد منصور
محمد عبدالله الحنيني
القصيم / البكيرية
سلام مني عدما ناحت الورق
علىهواة اللغز شاعر وجمهور
عزالله انك عن هل الشعر بك فرق
فريد يالاطرش بنوعك ومشهور
يارب تعصمنا من الظلم والسرق
حيث ان كل مظلوم لابد منصور
من اللي يسمع دعوته بسرعة البرق
وينتقم من طغمة الظلم والجور
عبدالعزيز العلي الصالح
حائل
بعيونكم ياهل الوفاء شوفو الفرق
والله حسيب لراعي الظلم والجور
داخل جهنم يحرقه حرها حرق
والمؤمن الصابر على الظلم منصور
محمد عبدالكريم الغزي
الزلفي
القاف يالاطرش ومعناك والطرق
واضح وانا كني علىالحل مجبور
والا انت ماغنيت لو غنت الورق
والنار للظالم وللمنظلم نور
الزلفاوي
الزلفي
الله يحيي من تجنب عن القرق
عبدالله الأطرش له اللغز منشور
اللغز معروف وواضح كما الشرق
هي دعوة المظلوم لاصار مقهور
الله يجنبنا عن الظلم والسرق
ويفكنا من مشكلات به حدور
علي بن محمد القصير
الأسياح
تسلم يمين سطرت باحسن الطرق
طرق للاطرش جابه اليوم مشكور
اهلا هلابه عد مايبرق البرق
بالصاحب اللي من هل الطيب مخبور
ذي دعوة المظلوم للي مع الحق
وكل ظالم ماشاف خير ولانور
محمد بن عبدالعزيز الخنيفر
هلا إعداد ماتطلع الشمس من شرق
باللي صنع اللغز ونقول مشكور
هي دعوة المظلوم والعلم به فرق
وعساك تسلم يالسناني من الجور
عبدالله تركي الحربي
الشرقية/ الأحساء
الأطرش مرحبابك عدد ماناحن الورق
وعداد ماينبت من الورد وزهور
وترى دعوة المظلوم من خاطر حرق
تنحر ولي العرش وبسطعلها نور
ناصر بن محمد الشماسي
الشماسية
