|
|
|
منهو حبيبك غايتي بس اهنيه
على حسن حظه عسانك حبيبه
انا اشهد ان الله يحبه ومعطيه
اللي هداك الرب تصبح نصيبه
ياللي خذيت من الحلى كل مافيه
ومن الطبع كل الخصال الحبيبه
تسحر بهمساتك عقل من تحاكيه
مع خف دم وملح ماينحكي به
لك حق يوم اتموق وتحس بالتيه
الله وهبك اوصاف زين غريبه,
|
|
قالوا تحبه قلت ماهوب بالحيل
بس انه اغلا اشوي من نور عيني
يسوي جميع الجيل الاول وها الجيل
واحبابي الماضين والمقبليني
شوقي له اعظم من ظي الارض للسيل
واشفق عليه اكثر من ام الجنيني
واحتاج له حاجة ثرى مصر للنيل
وعليه اغار اكثر من الوالديني,
اشتاق له شوق المحبين لليل
وارتاح له راحت دموع الحزيني
وفي قصيدة أخرى يقول:
واجد احبابي ولكن الوكاد
انت غير,, وباقي الغالين غير
لجلك ارحل من بلاد الى بلاد
وان عجزت اوصلك لك روحي تطير
|
|
لايصيبك شك مني في غلاك
يامغلي عيشه ايام العمر
لايهمك من حكى هذا وذاك
ولايصيبك يا بعد عمري كدر
منوة العذال يسعون الهلاك
حبنا اللي ما اشوفك (عذرني) واعتذر
واعترف انك على وصفي ملاك
وان عندي يوم حبيتك نظر
|
|
ياعذاب عيون مختارك حبيب
كل يوم اشوف عشاقك تزيد
من يحبك يقبل الوضع الغريب
لايغار ويلزمه قلبٍ حديد
الله اللي حط بك سحر رهيب
يفتن قلوب البشر لو ما تريد
انت مثل الشمس نارٍ للقريب
ترسل النور ودفاها للبعيد
من يحاول يملكك وحده عجيب
مثل اية خالق الكل العبيد
|
|
دنياك حلوه لاتهمك ظنونك
لاخير فيها كان خان القدر فيك
وش نفعها يا قبلة الخلق دونك
لعلها (,,,,) دنيا تبكيك
حرام اشوف الدمع يملى عيونك
ياملي قلبي من الحب وشفيك
|
|
اقول في نفسي وانا اعايد الناس
متى بشوفك تكمل افراح عيدي
اجامل وربي عليم بالاحساس
وشهو شعوري وانت عني بعيدي
|
|
لاصرت عندي وقتي اعياد واعراس
حتى ولوني وسط سجني وحيدي
عاشرت خلان وتخالطت باجناس
ما احدٍ سواك اهديته القلب بيدي
من تحت ماطي الرجل لهامت الراس
كلش هويته فيك والله شهيدي
لقيت بك ذوقي وانا قاطع الياس
ومعك بدى يحيا الامل من جديدي
|
|
جيت المكان اللي بدأ حبنا فيه
وامطرته عيوني بدمع الحنيني
وشكيت له قسوتك وانكار ماضيه
يوم العهد وايديك تحضن يديني
تعتب علي معذور بس الزعل ليه
وانا اعترفت بغلطتي لك بحيني
|
|
الى متى ناوي فؤادي تعنيه
تحرم عيوني منك ياشوف عيني
عمري بلاقربك وشوفك مابيه
من دونك الدنيا,, ملل ياضنيني,
|
|
ماتت الرغبه على مر الزماني
ما بقى كود التمني في يدينا
اجنبي الوقت عن شوفه - حداني
وتهت في بحر العمر من غير مينا
عنك ابعدني الخجل والصمت جاني
وعني ابعدك الزمن,, رغم علينا
|
|
وانت عايش,, عمرك بسعد وتهاني
ليه اردك لأجلي الماضي السنينا
السعادة شوفتك تدخل مكاني
في حياة مابها حين وحينا
|
|
مات حبك والبقيه في حياتك
في حنايا خافقي لاقصى مصيره
خذ مع الجثمان باقي ذكرياتك
تجربة حبي معك كانت مريره
ياعدو الحب ركب الحب فاتك
لاتجيب ان طعتني للحب سيره
مايعرف الحب من سوا سواتك
يفقد الاخلاص من ضيع ضميره
حبك اللي تدعي هو حب ذاتك
ومن يحب الذات مايخلص لغيره
|
|
كانك على قولك تمنى لي الخير
ساعدني انسى حبك اللي خذاني
خلي حياتي تنقلب كلها غير
وانسى الحبايب والزمن والمكاني
|
|
كرهني بنفسك ولو بذنب صغير
القى به اعذاري واعود لزماني
المشكل انه مابدى منك تقصير
وهذا يزود واقعك في كياني
|
|
ليتني من قلبي وعقلي طليق
واني اقوى ذل نفسي والنفاق
كان ياما صار عندي من صديق
وصرت له صاحب وعانقني اعناق
البلا ان الطبع في مثلي خليق
مايعدل لو عدل شط العراق
|
|
حاول وحاول يصير افراقنا هادي
الله عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك ماينفع عنادي
لاصار ربي حرمنا,, من بيعطينا
فرقا وصارت ولاتحزن على ابعادي
وانا بحاول على نسيان ماضينا
ياوحشة الليل في بعدك بلارقادي
وياطوله اليوم ما شفتك ولو حينا
،*إلى أن قال في قصيدة أخرى
ماكلف الله نفس ما لاتطيقه
البعد والحرمان ماعاد ينطاق
ماكنت افكر في ,, فراقك دقيقه
لولا ان عقلي من سبات الهوى فاق
وشفت ان جمع الشمل ماله طريقه
ولاصار لي قدرة على قهر الاشواق
|
|
اظهر الى الواقع ومرالحقيقه
كلش يقول- افراق وافراق وافراق
،*وفي هذه القصيدة يقول:
انتي الفرج دايم الى صابني ضيق
وانتي السند لاكشرت سود الايام
وانتي ملاذي بين كل المخاليق
ان كان لي حظ فعمرك مية عام
اجيك وهمومي مثل هضبة طويق
واروح منك وكل الامال- قدام
|
|
هذ ولاني دون كل المطاليق
ايضاً ولامني حصل قطع الارحام
ولاهيب غايتي خداع وتلفيق
ولاهيب نياتي مكاسب والارقام
ايضاً ولاني من عداد المطافيق
العبدين انفوسهم مثل الاصنام
|
|
قلت وين اربوعنا قالت سلوا
وكشرت في وجهي رمالٍ عطاش
شالوا الدنيا معاهم وارحلوا
لاعلوم,, ولاسلوم ولابقاش
مع جديد العصر والعيش الحلو
كلٍ بدنياه في طيش وطاش
قلت هوتك ياثرى مهما افعلوا
عنك مايسلون وان اريح فراش
|
|
المصيبه ليتهم يوم اسالو
نشفوا قلبي ولاكنه جراش
لارمينا مع هل الماضي دلو
ولاخذينا مع هل الحاضر نطاش,
|
|
ادل بيتك دون وصف وعنوان
واشلون اضيع سكةٍ وسط قلبي
لك جيت مشتاقٍ لشوفتك ولهان
لعل يروي من مشاهدتك لبي
جيتك مسير ياقليل التبيان
ياقصر الخطوه وذا سر حبي,
|
|
قصر الكلام انك بها الوقت عنوان
للزين والسمعه وحسن التربي
حظي كبير وكان قلبك معي لان
وياسي عظيم لوبترفض لقربي
|
|
لاكنت انا لاكان يوم زعلتيه
وش لون اباراضي خالقي لا حزنتي
كلش ولاتكدير خاطرك ما ابيه
كل يهون ارضاه عندي سوى انته
ياللي وجودك فارغ العمر ماليه
لاتهت في ليل الاحساس بنتي
لولاك عمري ماتساوي لياليه
عيشت خفوق في صميمه سكنتي
انتي فخر مشاي مرحوم بانيه
غير انك اللي في الطفوله حضنتي
|
|
تولعت بك والله كتب لي على فرقاك
حسبي على الحظ الردي كانه اشقاني
انا ماشعرت اني مع الناس قبل القاك
ولاذقت للدنيا طعم قبل تلقاني
ولاكنت احس بروعة الحب قبل اهواك
ولولا عيونك ماكتبت اجمل الحاني
سقا الله ليالي خالدة عشتها وياك
بدرب الحوية بين عشب وغدراني
|
|
تري اللي يسالني عن مشاهدك ذكراك
انا مستحيل انساك اخاف انت تنساني
|
|
في داخلك نيران الاحداث تكويك
وفي وجهنا وجهك يشع ابتساما
|
|
ياليتني بينك وبين المضره
من غزة الشوكه الى سكرة الموت
|
 |
|
