|
|
|
الشكر والتقدير والدرع والكاس
تفخر بها صفحة تراث ابعربها
وقولة هلا او نار او نجر او محماس
والحيل عادات للاطرش كسبها
قصدك (فصيلة دم) تعرف ابمقياس
صرح بها المحتاج واللي وهبها
|
|
الطيب له منهج ومبداوله باس
ولغازه الجزلات حلو اعنبها
لغزك ترى حله فصيله مع الناس
فصيلة للدم كل كتبها
هاك الجواب اللي كمادر الالماس
ارجي عساه بزايد الطيب وابها
|
|
اهدي تحيه من هو للطيب نبراس
عبدالله الاطرش الغازه حبكها
نشدت عن بنت ماتغير على ساس
هذي فصيله دم واذكر نسبها
موجب وسالب كتبته بقرطاسA
مثلهامن خبرهاB و AB
تظهر بمقياسO سالب وموجب
فالمختبر ياخوي تلقى سندها
هاذي ثمان انواع ماهيب هوجاس
سالب وموجب اضربه في عددها
سالب قليله مع الناسAB تراء
واللي سواها اي شخص نقلها
|
|
انشر سلامي يالمحرر بنوماس
للي بنى صعب المعاني وحسبها
اللي يضيع الفكر فيها وينحاس
وهيه فصيلة دم تعرف انسبها
|
|
عزي لقلب من عنا الوقت حساس
نفسه على الطولات ماحد غصبها
قاس الامور بحنكة الرأي بقياس
يعرف مضامين الكلام وادبها
ماهو من اللي يوقع الفاس بالراس
يشعل لها النيران يضرم لهبها
حيث ان بعض الناس ماهو علىساس
جرفه هيار وصيدته ماكسبها
ولغزك يابو صالح كما عقد الالماس
حله فصيلة دم فنّي سحبها
|
|
حيّيت يامن بالوفاء ترفع الكاس
يامن دروب المرجلة هو كسبها
عبدالله الاطرش ترى الفكر حساس
عجل بحل اللغز لامن حسبها
مطلبك ياالغالي على العين والراس
مني يجيك الحل لوكنت بأبها
فصيلة للدم ياصاح لابأس
وان كان فيه الغاز لاهنت جبها
|
|
هات القلم بالحال نكتب ابقرطاس
رد لابو صالح يحلل نشبها
بالمختبر يسحب من الدم بقياس
نوع الفصيلة واضح لاكتبها
|
|
كن الجزيرة ياهل العرف نبراس
شعشع ضياء فا لمملكة من سببها
جاها رجال فعلهم يرفع الراس
نسل الشيوخ اللي عريب نسبها
فيها لبو نواف لمسه ونوماس
رجل غزاء للطيبات او كسبها
دم البشر فصايل انواع واجناس
سالب وموجب تختفي في سلبها
|
|
اليا تضايق خاطرك ونت محتاس
دنياك مابالكون شخص غلبها
اقر الجزيرة يبعد الهم والباس
نفسك تريحها وتنهي تعبها
ياشاعر بالراس كنك بتكساس
اللغز نارة مايدفي حطبها
الدم يالاطرش على كل الاجناس
فصايله محد عرف وش سببها
|
|
قريت لغز بالجزيرة على ساس
لشاعر جزل القوافي طرقها
ارسل اجابة يم الاطرش بقرطاس
عسى وصلته الاجابة سمعها
فيها فصائل دم تنقل من الناس
هذا جوابي وحلهامن عرفها
|
|
اللغز احله من دون البال ينحاس
اكتب نضيف البيت واترك كدرها
حله فصيلة دم واقول لاباس
بالمختبر عليك كل علمها
|
|
يامرحبا بالعارفة طيب الساس
ياشاعر نادر بيوته كتبها
طالعتها في صفحة ترفع الراس
في كل جمعة نقتريها لادبها
البنت معروفه ومع كل الاجناس
لكن ماشفنا عليها ذهبها
ماحطت الطرحة ولالبست الماس
خبيرها الدكتور يعرف نسبها
|
|
لغزك يابو صالح على العين والراس
يابن الرجال اللي رفيع حسبها
نبغى نشارك في حلوله مع الناس
لو ان حله (بالفصيله) سحبها
فكر براويزه على الحل غطاس
يوم الحلول (بدم) عرقه شربها
|
|
نبتك يالاطرش ماتغير على ساس
في المختبر بانت وبيّن نسبها
فصيلة دامت على عدة اجناس
خمس وثلاث انواعها من حسبها
|
|
اهلاً بالأطرش عد ماهب نسناس
وتحية ماصيف الناس بأبها
لغزك فصيلة دم تعرف بمقياس
في الخلق مختلفة عجم مع عربها
|
|
يامرحبا بك عد سكان مدراس
واعداد من زار المدينة مع أبها
بالشاعر اللي فيه فزعه ونوماس
رمز الكرامة والشرف رمز ادبها
وترى الفصيلة ميزت ناس عن ناس
سبحان رب يابن الاطرش خلقها
|
|
قم يانديبي على فزة الناس
امش للقصيم ود الرسالة لأهلها
ملفاك ابو صالح للطيب نوماس
من لابه تعرف ويشهد كرمها
قل الفصيلة وتحليله على ساس
الحل مع التحليل بظرف وضعها
واقبل سلامي عد ماهب نسناس
واعداد مايكتب للفصيلة نسبها
|
|
حييت ياشاعر آخذ كل نوماس
محلى قوافي لغز بفنه كتبها
لغز يعقد وينزع الفكر من الراس
ويبعد فصايل ا لدم عن فكر قربها
|
|
سلام مني عد ماهب نسناس
بشاعر لغوزه بالجريدة كتبها
لنفزك يالاطرش جبت حله من الراس
فصيلة بالدم للي طلبها
|
|
ياشوق من تلبس على الجيد الالماس
ريح العطر ياشيخ ريحه جسدها
فيها جمال الحور لكن من الناس
والعين عين الريم ابين هدبها
دمك ودمه بالفصيلة على اقياس
والله ابزين الخصائل وهبها
|
|
المرجله والطيب عز ونوماس
واشوف الاطرش من رجال كسبها
انشهد ان اللغز مبني على ساس
واللي يبون الرد حنا نحسبها
فصيلة للدم في كل الاجناس
كل بحاجتها لياجا سببها
|
|
يامرحباً بالي بالالغاز نبراس
معطره بالعود للي كتبها
فصيلة الدم جارك الله من الياس
يابن الحمايل مكرمة من قربها
|
 |
|
