|
|
|
حي من يقرا الجزيرة وهو سندها
يتابع الأخبار فيها من محله
والأدب والشعر ما احصى عددها
والرياضة مع علوم الدين كله
ثم صفحة يسعد القارىء جهدها
لغزها مشهور ومن يقدر يحله
يا ولد فايز ترى النخلة ولدها
قن فاعلا راسها ثم وسط قلة
|
|
نخلة عاشت على تربة بلدها
راسها في ساقها وفي خلقه الله
مريم العمران تشكر وتحمدها
تشكر النخلة على تمره وظله
|
|
في ذرى المعبود والقايد فهدها
عاشت الديرة وعاش الشعب كله
دارنا اللي من بغى العليا قصدها
قبلة للدين يا ملفي وظله
شعارها التوحيد والفيصل سندها
،(ونخلة) بالخير وافرها تهله
|
|
ملفى تحضر للعلوم وسندها
يبغى يشوف اسمه بوسط المجلة
مير النعامة يوم ربي قردها
ادس راس وتترك الجسم كله
والبنت نخلة لا تطول عقدها
ولا الولد عرجونها فاطنا له
|
|
يا مرحبا يالبنت واللي قصدها
وراع الوفاء والطيب ما نمله
البنت يالحربي وحظي من وجدها
في لفحة القيظ عن الشمس تظله
النخل واجد يصعب عددها
وتمرها الزين كثرة وقلة
|
|
قاد المسيرة للمعالي فهدها
له منزل بالقلب دوم استحله
هو ساسها هو عزها هو عمدها
شبل الزعيم اللي الطوبى محله
واليا بغيت اللغز عقلي وجدها
هي نخلة تجني ثمرها بحله
|
|
قرب المبهار وخالد له اسكبها
زوده بالهيل او فوق النار مله
لأخذت بالفوح وقته قم اجذبها
لين تركد يالسنا في محله
صبها والطوله الملفي كسبها
راع الطيب والمكارم يشهد له
قله النخلة او تمره هو ولدها
بالتراث تكتب لنا اللغز ونحله
|
|
مملكتنا اليوم ما اعظم سعدها
في ظل راية التوحيد والملة
والنخيل ارزاق كلن وجدها
بوجود ابو فيصل عسانا فدوة له
|
|
يا مرحبا بالألغاز واللي نشدها
واللغز يا ملفي كل يحله
النخلة اللي لغزكم هو قصدها
لا هنت هات الصعب وجيب حله
|
|
اللغز نخلة يا سعد منهو غرسها
واذا اكرمتها العذق ما تقله
ديرتي عزها ربي بفهدها
وحنا تحت ظل الله ثم ظله
|
|
يا مرحبا باللي ابيوته نقدها
بالطيب اللي مجلسه ما تمله
ملفي جميع الطايلات اعتمدها
حلحيل للي مستحيل يحله
البنت نخلة والحنيني وجدها
ومع السلامة يا نديبي وقله
|
|
الجزيرة ما تأخر عن وعدها
تبتسم بحجاج الابداع او تفله
اتصبح كل صبح في عددها
يا صباح الخير وش هالنور كله
من جهود رجالها رفرف سعدها
بيض الله وجه راع الطيب ومحله
كنها النخلة تميز في بلدها
والحلا والزين ما والله نمله
|
|
الجزيرة كنها النور ابلدها
تشرح الخاطر وتشفي كل عله
ملفي الفايز ولو كثر عقدها
لغزه النخلة او ملزوم نحله
|
|
مرحبا بالصفحة اللي في عددها
يبرز اللي كل ما جا لغز حله
واسرة التحرير ما يبرد جهدها
تعتني بتراثنا دقة وجله
قوموها ورفعوها في عمدها
كوكبة لتراثنا دائم مطله
كل ديره نخلها يكفي بلدها
ومن بقى تمر الحسا دربه يدله
السموحة كان زلينا نصدها
وعذروني كان جا بالأمر خله
|
|
يا مرحباً ما طلعن النجوم وعددها
باللي نشر اللغز ويريد حله
قصد لالنخلة هي زينة بلدها
يا حلو منظرها ويا زين ظله
|
|
شاقني ملفي بابيات بدٍ له
يوم جاب اللغز وبيوته طر له
ذاكر بنت لنا تاتي بحله
النخيل كتاب ربي شاهدله
فرحان بن صحن الجنفاوي
الردود اليوم جتكم في وعدها
ولغزكم يا ربعنا حنا نحله
في بيوت قالها الحربي وسردها
من يمين جعلها ما تشوف عله
نخلة يا زينها وما احلى بلدها
في بلاد العزشوفه ما نمله
|
|
بعد جاها ابو تركي رفرف سعدها
وحد اطراف الوطن بامر الله وبالخير كله
واخر عيال لها هم درعها وهمه سندها
شرعها الاسلام دستورها هو خير مله
تلبس ثياب الفرح والعز بقيادة فهدها
يا عسا المولى العزيز يفكله من كل علة
ونخلة الحربي يجينا تمرها لا جا وعدها
كان عرفي صايباً في وضعها هذاك حله
|
|
يا قلم امليتك افكاري وقدها
يم ملفي وين ما تلقاه قله
بنته اللي قال يا مكثر عددها
من رطبها يطغى الجوعان غله
دار فكري لين بأمر الله وجدها
نخلة دايم هي خضرا مفلة
|
|
يا سلام الله على ملفي بعدها
نسمعك ما عندنا واللغز حله
نخلة نفخر بها وتفخر بلدها
فالمزارع ركزها في كل فله
|
|
كل يوم المملكة زايد سعرها
شعبها ينعم ولا عليه خله
الزراعة والصناعة جاء مددها
والشواوي بدل الخيمة بفله
يالله احفظها والخيرات زدها
مهبط الاسلام فيها الخير كله
من زرع نخلة يابوفايز حصدها
وان حدته الشمس يجلس تحت ظله
|
|
مرحباً بك قلتها من قلب ولساني نطقها
يا سديد الراي لغزك في محله
واضح كنه اجا وسلمى تعجب من عشقها
قالها منه شكى يا بن فايز حب خله
حل لغزك نخلة حلو رطبها
ما حلى لاشتد حر الجو مجلاس بظله
مع رجال مثل ملفي بطر بها محد لحقها
والعدو خله يصارع دنيته باسباب غله
|
|
دام حتى فالفوز ومن صددها
من تمعن مقصد الشاعر يحله
ذيك نخلة طيب المولى جهدها
كان فالبستان ولا وسط فله
|
|
قد عرفناها يا بن فايز وخذها
النخل واحد وديرتنا محله
الحساء وسدير والزلفي بلدها
والقصيم وبيشه ابها مستظلة
|
 |
|
