|
|
|
باسم الذي نزل تبارك وياسين
وسلام يا شوق المعالي مناها
يابن الذي قاد اربعين مغيرين
وحَّد شتات الدار واخزى عداها
عساه بالجنات بين النبيين
ويظله بظله مع اصحاب طه
والحمد للمولى سلم خادم الدين
راس الملوك اللي يذري ذراها
شوفة فهد سالم تسر الملايين
اللي تحب ملوكها من وفاها
حنا لسيّد كل الأمه محبين
وقلوبنا للفهد تعلن ولاها
بالشرع يحكم ما حكم بالقوانين
عادل وسنة خير الامه رضاها
الله يزيده طول الايام تمكين
عز البلاد بسطوته واحتواها
واطلق سراح اهل السجون المساجين
فرّح بهم عجزٍ تزايد بكاها
عسى فهد يسلم لنا قولوا آمين
ويطول عمره للبلاد يحماها
ويعيش ابومتعب ذرىً للمساكين
اللي لعبدالله تسارع خطاها
لا جوه عادوا من سمّوه بتطمين
ياما قلوبٍ به تحقق رجاها
ويا مرحبا ترحيبة القلب والعين
داورد هلّت من وطيتوا ثراها
باسم المحافظ والرجال الميامين
حضر وبدو في مدنها مع قراها
الكل هلّوا فيك والكل فرحين
بملفاك يا ريف القلوب وهناها
سلطان حنا في سموك سعيدين
وزيارتك نفخر بها ونتباها
فضلك زرعته في قلوب الكثيرين
لك سيرة عطره تردد صداها
يموت منك الفقر ويفارق الدَّين
ناسٍ تزايد من زمنها غثاها
ياما دعولك بالصلاة المصلين
وياما قلوب لك تكرر دعاها
رمز الوفا والجود والعطف واللِّين
وضحكة حجاجك تسعد للي يراها
وحنا لنايف مخلصين مودين
وزير الأمن اللي بجهده دراها
بوجود نايف دارنا فالها زين
بجهوده المولى بأمانه حباها
وايضا نثمن دور سلمان تثمين
امير منطقة الرياض وضياها
يسعى لتطوير وحضاره وتحسين
كل المدن حتى تبين حلاها
وتقديرنا له ما يبي له براهين
نرفع له البيضا بعالي علاها
يا سيّدي حنا على العهد باقين
ما في ولانا شك والا اشتباها
وللامر حنا طال عمرك مطيعين
والدار,, الارواح العزيزة فداها
انتم هل المعروف كل الاحايين
اهل القلوب اللي تبيّن غلاها
وشرٍ على الحسّاد هم والمعادين
حسادكم,, ما يسعد الله مساها
وحنا بحمد الله من الخير معطين
في نعمة ماحد يدور سواها
بذلتو الجهد بجميع الميادين
معيشة الشعب ارتفع مستواها
بامن ورخا في ظلكم يالعطوفين
نعمة عساه يديمها من عطاها
حماكم اللي خالق آدم من طين
يا عز دارٍ تفتخر بانتماها
وجهودكم ما تنوزن بالموازين
لكن على الله يا بوخالد جزاها
ترجمت في شعري شعور الملايين
اللي لكم بالحب تعلن ولاها
ولك يا عزيزٍ من رجال عزيزين
سلام,, يا شوق المعالي مناها
|
 |
|
