|
|
|
سلطان الدين ابو تركي
وبهذا كلٍ شهد له
راعي رايات منصوره
شاهد ما فيها تشكله
عبدالعزيز اخو نوره
سقم الحريب وضد له
|
|
عبدالعزيز الشيخ ما له تماثيل
لا حاكم مثله ولا ظنتي صار
ولا له شبيه في وصوف الرجاجيل
مثل المحيط اللي روى سبع الابحار
|
|
عبدالعزيز اللي المعالي صعدها
واعاد للماضي تواريخ الاجداد
عليه رايات المعزه عقدها
واعلى مقام العز في كون واجهاد
|
|
عبدالعزيز اللي بنى صرح مجدها
وشيد معالمها على كل منوالي
جمع شملها من عقب تشتيت شملها
من سيفها الغربي الى ربعها الخالي
|
|
عبدالعزيز الليث حماي الحدود
هو مقدم الهيجا وهو مغوارها
ابو اليتامى اللي عسى عمره يزود
ان كشفوا عوراتها واستارها
|
|
يالابتي هرج المجالس بالرخاما يفيد
يقطع صبي ما يرد النفس عن بوقها
لي قيل ابو تركي من العوجا نوى بالشديد
عبدالعزيز اللي يسوق المر بحلوقها
من مات منا في نهار الكون يكتب شهيد
يوم النيامس مثل برق الصيف بشعوقها
|
|
سلام ياشيخ على الحكام صيته رفيع
لين اصطفق في نجد تسكن عقب زلزالها
نمشي براي الله ثم براي أبو الجميع
عبدالعزيز اللي ملك نجد وحمى رجالها
|
|
في ظل من طوع العايل بضرب القنا
صقر الجزيرة احماها الصاطي الوالى
عبدالعزيز الذي ناضل وقاسى العنا
حتى تحقق وصدق كل ما قالى
|
|
يا ابن الذي اسس وشاد إلنا البنا
عبدالعزيز الحاكم الحر القطام
مرهق طوابير العدا بحر الندى
مروي القنا مروي البواتر والسهام
|
|
سورنا نورنا حرز مقاصيره
حامي نجد واتباعه مع اقطاره
لعنبو من يغالي في متاجيره
عقب عبدالعزيز المال وش كاره
ترك اللي يبرق في مخاسيره
ما نفع من يصر القرش بصراره
|
|
عبدالعزيز اللي حكم نجد بالسيف
قضى على اللي يقلبون الحقايق
حكمه بشرع الله ولا يقبل الحيف
هو ضد خوان عن الحق بايق
|
|
عبدالعزيز اللي عن الملك ما لان
مع الخصيم وتل ملكه اغصابه
استرجع الملك اليماني لعدنان
صاروا على جدٍ جميع قرابه
ساروا على المعروف والشرع ميزان
على الصحيح ايام عصر الصحابه
|
|
بلادنا بين الدول شأنها شان
بلاد عز ورمزها في علمها
ودستورها القرآن فعلٍ برهان
واللي حكمها بالوفا ما ظلمها
القايد اللي قيادته عز واحسان
عبدالعزيز اللي بنى ما هدمها
جمع طوارفها بعد شت الاضعان
واضفى حدود المملكة ما قسمها
|
|
ما بيننا قطاع هرجه وهذار
عذروبنا تبادل الاحترام
نروي قصص صقر الجزيرة بتكرار
عبدالعزيز اللي لخصمه كعام
اللي مشى طرق المهالك والاخطار
لين استقر الملك له واستقام
|
|
يا بن الزعيم العادل المتواضع
عبدالعزيز مقرر الميزان
اللي مع الاصحاب لين جانب
واقسى من القاسي على العدوان
يمسى بديره ثم يصبح بغيرها
لين أمن الجمامع السرحان
وحد جزيرتنا وليم شملها
ثم أصبحت سكانها جيران
|
|
عزك لعله دايم كله يزيد
يا بن الذي بالسيف دين الله حماه
عبدالعزيز اللي له الرأي السديد
جاهد وكافح لين مولانا عطاه
|
|
جدد فعول بالزمان السابق
واحيا فعول نمورها وابطالها
عبدالعزيز الساطي بن الساطي
عز الشريعه ثم حل شكالها
|
|
افضل شهاده له بحق مكانها
يبرز بها التبرير عن كل وسواسى
عنها وعن جملة حصايل زعيمها
عبدالعزيز ودوره اللي بعد ياسى
طلع لها طلعت عقاب من الطنا
ضرمٍ ومن شوفه هبا كل قرناسى
|
|
يوم يذكرنا بضد العوادى
عبدالعزيز الليث صقر البلاد
حر الحرار الضاربه بالهداد
تحت امر ابو تركي حرار تباريه
|
|
اليوم يوم المملكة عيد سعيد
ذكرى من التاريخ مجد ابوانها
عبدالعزيز اللي موحدها أكيد
أروى شبات السيف من خوانها
|
|
عبدالعزيز اللي له التاريخ لو تفهمون
صفى الجزيرة طوع العدوان واصحابها
|
|
وعبدالعزيز امن الاوطان من الكدر
وخلف حرار للمهمات داريه
|
|
يا شيخ لا تسمع بنا قول مذموم
اعذر وسامح وانت للخير فعال
أما سمحت وقلت ما فات مذموم
اللي بخاطر ليث الابطال ما زال
عبدالعزيز احجاب نجد عن الروم
ابنك نجيبك هدم صولات من صال
عز الفريق وذل من ينقل الزوم
لطام هامات العدا متلف المال
|
|
يقول من قلبه بدا فيه خله
الى ذكر من كل شعبه لجوا له
عبدالعزيز اللي حوى المجد كله
اقول وشيوخ القبايل تقوله
كم من ضديد نزحه عن محله
في كنّة الجوزاء تطارد خيوله
|
|
الا يا مرحبا باللي لفانا من بعيد الدار
على بخت من الغبه مواريده مصادره
على بخت مع الغبه يعوم بلجة الابحار
توجه من سواحل مصر فوقه طيب السيره
لفى عبدالعزيز بمصر وزاد النور بالانوار
ثمان ايام واربع والطرب تضرب مزاميره
|
|
شيخ العرب ما حده الجدي لسهيل
عبدالعزيز اللي مضى بالفعايل
الصارم المهدي على دين جبريل
الحاكم المأمون وافي الخصايل
|
|
مساعيك الحميدة يا ولد عبدالعزيز تبان
ومن يفعل فعايلك العظيمة حقه التمجيد
بتاريخ الامم قصة رجال ترفع الاوطان
وسلطان السعد للمجد جدد قصته تجديد
|
|
الى احترك تحركت سود الجبال
والى رسا ترسى جميع أطوادها
درع الجزيرة جاذبه عبدالعزيز
حمايها بالخوف من حسادها
|
|
من مارثة حر عطيب المضاريب
عبدالعزيز اللي كما الصبح لا بان
حق علينا صدق ماهو أكاذيب
نطلب له الجنه من الله وغفران
|
|
اخص بها ولد عبدالعزيز وما التجى لسواه
ابونا الضيغمي سلمان حاضرها ومرويها
إلى بار الرفيق وكل منكوب لزا ملزاه
فنا ملزاي عنده والسريره عنه ما خفيها
|
|
سلام الله عليك ومرحبا با مشبع الجيعان
ولد عبدالعزيز اللي حمى اولها وتاليها
|
|
ولد عبدالعزيز اللي يدير الملك بالإيمان
على جنبه عضوده بالوفا فعل على حله
يعزون الصديق ويلطمون الضد والعدوان
كلام صافي ما خاشره ريبه ولا زله
|
|
عبدالعزيز اعاد مجد الأولين
عز الجزيرة وانجب عيال صقور
واشعاره التوحيد ضد المعتدين
عساه في الفرودس والذنب مغفور
|
|
عبدالعزيز الليث طلق اليمينا
يعطيه خالقنا مساكن بعلين
هو والذي بعده جلس كل حينا
يحمي بلدنا من خساس وملاعين
|
|
عبدالعزيز اليا شهر بالمخاليب
كراسي الحكام لهن ارتجاجي
عساه مع يعقوب ودريس وشعيب
في جنة الفردوس نعم الملاجي
|
|
عسى الذي جابك محرم عن النار
وفي جنة الفردوس يرقد بفيه
عبدالعزيز اللي للأبطال تذكار
ما جابت النسوان والشمس حيه
مثله ولا مثله إن كان العدو جار
تلقى خصيمه دوم يلعن خويه
|
|
والله ذخر لك بالسعود الذخيرة
لا راح ذخر جابد اله ذخاير
منهم امجدد سلمها من حريره
عبدالعزيز اللي بالأبطال غاير
|
|
واليوم ما فيه لا هزة ولا نزه
أمن ونظام غشا الواطي مع النازي
من يوم عبدالعزيز المعتدي لزّه
واركي على هامة الأضداد حزازي
|
|
ذكرى الزعيم الفذ قيدوم الأمجاد
صقر الجزيرة فخرها بالزعامة
عبدالعزيز اللي على الضد وراد
يشهد له التاريخ بأكبر علامه
|
|
عبدالعزيز اللي على الحق وضاح
عز الوطن بالدين واهل السماحه
|
|
عبدالعزيز اللي جمع شمل الأرواح
وارسى رواسي المملكة من نجاحه
|
|
بقيادة الخالد فخرنا,, تحمى
حمل الزعامة والثقيل ارتكاله
ناهج على منهاج حكامنا الجل
عبدالعزيز وفيصل المجد ناله
|
|
عبدالعزيز مخلف من يعوضنا
عيال تعدى عن وطنا حرابها
عيال الملوك مطوعة كل عائل
يوم مات فيصل شد خالد انصابها
|
|
عيال صقر وضحوا له كتابه
عبدالعزيز اللي حمى بر وبحار
خاض المعارك كل رجم رقى به
سطام لطام وطى درب الأخطار
|
|
تشبه العذرا كاملات غطاها
تكمل غطاها وضافي الستر تكسيه
أول حكمها بنور سيف ضواها
عبدالعزيز الله من النار ينجيه
|
|
سبع الجزيره يوم لوذات الأفكار
من هيبته ترجف عوالي هضابه
عبدالعزيز اللي ذرا الدار والجار
من ضدته عسر الأمور التجابه
|
|
وانا بشير العرب بالباني الثاني
خالد على نهج فيصل شملنا لمه
وفهد عضيده ليا من ثار دخاني
اصل الشجاعة لبوه وجده وعمه
|
|
من حلف بالله في مدح الهمام
ما حنث والله في هاك اليمين
ما مثل عبدالعزيز بن الإمام
فل بيرق مجدنا هاك السنين
واستقر الحكم وأصبح له نظام
من أصول الدين شرع مستبين
هو كما شمس تبدت في قتام
يوم سل السيف بالعزم المتين
اشرقت نجد عقب ماهي ظلام
وطار عنها الشر وصارت له عرين
وانجلى عن جوها ذاك الجهام
وهب نسناس الأمن للخايفين
حل فيها وثبت اركان السلام
والعَلَم وحِّد على دنيا ودين
اشهد انه لوذعي في الخصام
وعبقري وفارس عقله رزين
ما عظيم إلا وهماته عظام
يركب الأخطار والله له معين
من مثل عبدالعزيز أصبح زؤام
للعدا - ولنا الذ من المعين
وحد صفوف وصفاها تمام
لين صرنا - اخوة متماسكين
ووصفوا عبدالعزيز اهل الفهام
،- بالشجاع - وبالذهين - وبالامين -
له عهود وله مواثيق وذمام
وفي الصرامه مفرد ما له تنين
ولو تبارى في الكرم كل الكرام
نال فيها السبق قبل الأكرمين
في سنام المجد له مركا ومقام
وهمته نجدية في الخافين
من مثل عبدالعزيز ايقظ نيام
وساس بالمصحف وبالسيف السنين
صاح فيها وهز رحمه والحسام
وانتخى - بنوره - وسيفه باليمين
صاح في حشده وزاد الاحتدام
صفوة من نجد تشفى المنتخين
إن سمعت في الشعر أو في الكلام
مدحة في حاكم يااللي فطين
ما سوى عبدالعزيز بها يرام
لا - ولا ظني بغيره قاصدين
والصقر ينجب صقور ما تضام
ما فعل - هم يفعلونه مقتدين
دوك حاضرنا على هام الغمام
بين خلق الله غدينا معتلين
نربط الحاضر بماضي في التحام
ونرث النهضة الجيل قادمين
والله انه واجب ندعو دوام
لبو فيصل قايمين قاعدين
يا ولي العرش يا رب الأنام
اكتبه عندك من اللي مخلصين
|
 |
|
