|
|
|
بصفحة (مدارات الجزيرة) قريناه
لغز يقول البنت يامن لقاها
،(موسم سفر) قاله هلا به اوحيّاه
وحيّ الجزيرة عد من هو قراها
،(نواة بالتمره) على الكبد محلاه
من دلة والنَّار ينعش لظاها
في مجلس فيه النشاما أو تنصاه
السّالفه ماضاق منهو حكاها |
|
لغزا قريته شاقني زين معناه
لغز بيوته عاليا مستواها
راعيه شهما تفعل الطيب يمناه
موسم وصيفات المكارم حواها
ذاك القثامي عز منهو تنصاه
والحيل للضيفان ياما اشتراها
من لابتا تعرف نهار الملاقاه
عتبان بالهيجاء تكرم الحاها
واللغز حله يالسنافي عرفناه
نواة والحلوة تبين خباها |
|
اليا نشد موسم جوابه لقيناه
موجود بالتمره ولا له سواها
ويا ما شربنا البن والتمر اكلناه
ونرمي عجم تمر النخل في ثراها |
|
دن الدلال اللي على الرف ملقاه
ورن النجور الصُّفر محلا شذاها
واحمس لنا على الغضى وانجز سواه
وصبّه ومده للي حولك لفاها
واخترلنا من النبوت اللي محلاه
واجلب معاميل نجع نواها |
|
اللغز له عدة شهور فقدناه
يومه رجع ذعذع علينا هواها
وعادوا رجال نظمة القاف تهواه
أحد فتل واحدٍ ينقض رشاها
الشعر في وسط المدارات ما حلاه
قيفان شعر غالي مشتراها
واظن حل اللغز حنا عرفناه
هاذي نواة والتمر هو غطاها
ألي يبي الطيب ترى هجر منشاه
شرق البلاد أللي منيع حماها |
|
حييت يا من طيب القول ينقاه
صروح شعره رافع مستواها
يا بوسفر ما غبت يا طيب الجاه
دار الفهد عشنا بطاهر ثراها
وترى الوسيمة لوحها ما جهلناه
رديت للنشاد عنها نباها
لكن رسولي عارض مقيط ورشاه
ومثلك فهيم بالطقوس هواها
والحل داخل حلوة الذوق تلقاه
في داخل القطميرة وما غشاها |
|
يا مرحبا ترحيب من قلب وشفاه
واهلا هلا ما لاح نجم بسماها
يا الشاعر اللي ما تعدد مزاياه
حاز المعالي كلها واعتلاها
اهل الكرم والطيب والجود والجاه
يا اهل العلوم اللي تسر ابنباها
القاف في مثلك صعيب حلاياه
تفخر بك القيفان دامك حلاها
ولغزك فهمته ردي اليوم تلقاه
هذي نواة التمر يا من بغاه |
|
اللغز يا موسى بعد ما قريناه
قلنا هلا به عد ما ممطر سماها
والحل لك ينشر بعد ما عرفناه
ومن لقي بالتمر (عجمتا) رماها
ونشهد ان لغزك ثمينا بمعناه
ومن قدم الجزلات يشكر علاها |
|
يا اهل التراث أنتم هل العز والجاه
وسمعة الصفحة بعيد مداها
موسم هلا بك عد شخص عرفناه
وعداد ما هلت سحايب سماها
لغزٍ تبي يا صاحب بنتٍ مسماه
نواة بالتمر كثيرٍ نماها |
|
قريت لي لغز جذبني بمبداه
لغز على الصفحة ابيوته تباها
من شاعرٍ يحكم على القيل معناه
وحله نواة وكل شاعر لقاها |
|
كريم يا برقٍ مع الليل خلناه
مزنه شمل كل الديار وملاها
مزنٍ جذبني باوّل الوسم منشاه
نيّة وطن موسم ربيعه كساها
لغزك يا بوماهر على الطيّب معناه
ريح الورود اليانعة في شذاها
حله نواة وردّنا يا فتى جاه
ردٍ على لغزٍ ابيوته تباها |
|
بديت بسم اللي كل حي ترجاه
الواحد المعبود عالم خفاها
ياللي عرضت اللغز نعطيك معناه
بجزل المعاني الوافية من سواها
ترى الفصم حله الى ردت معناه
وخباه تمرا ما نظنه سواها |
|
لغز القثامي بالجزيرة قريناه
ويريد حل اللغز من اللي قراها
ياللي كتبت اللغز نعطيك معناه
هذا الفصم ، والتمر ظني خباها |
|
يا ما حلا قول مع الصبح شفناه
صفحة تجيب اللغز كل نصاها
الحل واضح يوم حنا قريناه
هذي نواة التمر داخل حشاها |
|
لغز القثامي عارفين خفاياه
وللي يبون الرد منا رضاها
هذي النواة وحلها اليوم جبناه
وغلافها التمرة وما ازين حلاها
منول والتمر كل تمناه
واليوم بلاد الخير ربي عطاها |
|
حييت يا لغزا على صوب معناه
من شاعرا زين القوافي بناها
البنت حله يا فتى الجود صبناه
شرواك قدم للنشاما خباها
مع دلتا تدنى على الجمر مركاه
مقدار حمستها على قدر ماها |
|
اهلا هلا ببيوت شعرٍ منقاه
اعداد ما هل المطر من سحابه
واعداد حرفٍ بالجزيرة قريناه
بابن الشيوخ موجبه من نصاها
يا بوسفر لغزك ترانا عرفناه
وشاركت بحل اللغز باحلى بناها
هذي نواة دوم بتمره مغطاه
التمر يوكل والنواة بهواها |
|
يا هل الجزيرة لغزكم ما نسيناه
لا والذي نزل تبارك وطه
الفكس ضيعها وثرها للقيناه
ترسم على مبنى الجزيره غلاها
يا شاعر تارد على الجود يمناه
ورد الظوامي لين تروى ظماها
للغزك تقل تمرة وهي كنها اياه
فيها النوى تلقاه داخل حشاها |
 |
|
