|
|
|
بسعود ابو تركي بسيفه ضربنا
هاماتهم بسيوفنا ما اكتربنا
وافي الخصايل جابنا من وحلنا
يوم ان طنب بالرغا كل هدار
ثم ابو تركي الليث معفي حماها
حيدٍ على صعبات الاحوال صبار
|
|
صغير سن ما بعد تم عشرين
شال الحمول المثقلة نصرة الدين
واظهر سنان الحرب دون المقلين
لما زما عند الخلايق بالاذكار
تراه ابو تركي ولا اعنيت غيره
صبر على حرب الدول بالجزيرة
هو اللي اختصه وربي نصيره
يدبر افعاله جليلات واكبار
|
|
مني عليكم ياهل العوجا سلام
واختص ابو تركي عما عين الحريب
|
|
نجد شامت لابو تركي واخذها شيخنا
واخمرت عشاقها عقب لطم اخشومها
لابكت نجد العذية تهل ادموعنا
بالهنادي قاصرين شوارب قومها
|
|
والقبايل كلها شيخنا قدومها
مرخصين ارقابنا لازهمنا شيخنا
|
|
ياسلام الله مني على عز النزيل
لا اصطفق في تهتز عقب اسكونها
حامت العقبان والذيب غادي له عويل
عند ابو تركي لهم عادة يرجونها
|
|
جت لبوتركي على ما تمنى
يوم خلى السيف يرعف ذبابه
شيخنا سير بنا لاتونا
من سعى بالحرب حنا ذهابه
يا صليب الراس زبن المجنا
من سلايل وايل يلتجى به
|
|
مني عليكم يا هل العوجا سلام يزيد
واختص ربع بالمراجل تظهر احقوقها
فروخ الحرار اللي تطلع في نهار الهديد
من نسل ابو تركي شبوب الحرب باسبوقها
|
|
عبدالعزيز ان باعوا الشيمه هله ما يبيع
لا استصعبت يحلها ويخلص اشكالها
|
|
نجد عذرا كامل زينها
زاهي الكحل باعيانها
عافت العشاق من حينها
الا ابو تركي قضى شانها
|
|
شيخنا سلطان كل القبايل
اعلنت له بالثنا اربابها
ياخذ الطولة على كل طايل
هقوته محد تهقوى بها
ابو تركي لا اقبل الضد صايل
ياخذ الطوله ويحظى بها
|
|
مقدم هل العوجا وفكاك النشب
ومن خالف المشروع رده عن هواه
عبدالعزيز يهاب لا اشتد الغضب
ولاسكن بالطرس ما يحصى عطاه
وفي مخلبه سم الافاعي لا انقلب
ومن حارب الاسلام باقدامه وطاه
|
|
نصها ابن سعود سلطان الجزاير
فاجي الغارات ما طاوع امشيره
يستشير القوم يبغيها ظهاير
والقوادي له بامر والي البصيره
|
|
مرذي الجيش ابو تركي ذرى العاني
يورد السيف بارقاب العدى سله
شيخ كل الجزيرة طير حوراني
لو يقولون غيره قلت لا بالله
|
|
نجد مطلبها على غير ابو تركي صعيب
يا محاول خلها دونها قطع الرقاب
دونها خزّام خشم الصعب سقم الحريب
درقة التوحيد والدار عن هضم الجناب
شيخنا في ذروة المجد له بيت عريب
الشرق ساسه وراسه على حد السحاب
يالله انك لا تردي لبو تركي نصيب
يا عزيز الشان عزه عساها تستجاب
جعل من هو كاره عز ابو تركي نجيب
خيبة ياقف مداها على قصف الشباب
|
|
راية التوحيد معها من المولى مدد
دام ابو تركي عزيز فدين الله يزيد
|
|
نجد عذرا كحلت عينها
من خطبها راح منها معيف
نجد يوم انه زها زينها
ما تبي غير ابو تركي وليف
|
|
كان ابو تركي تنهض بجنحانه وقام
واعذاب اطيور سلمى من الهول العظيم
|
|
عاش ابو تركي كسا الدار من عقب العرى
لا تلمها بالمشقى ولو حنت عليه
|
|
مع ابو تركي ونتبع راية له
محلا حس العزاوي والنخاوي
في نهار ساكر عجه وظله
والمدافع في معادينا مهاوي
|
|
هد ابو تركي بقومات تثنى
بالملا والدخن جاله ظلايل
|
|
يالله المطلوب عز الجزيرة والجنود
والإمام اللي يعز الفرايض كلها
اجتهد بالدين والحكم لله والسعود
جعلها الله دوحة ما يفارق ظلها
عدل وبدل وعندي على قولي شهود
والمعابد هدها والمشاكل حلها
|
|
ناشي بامر الذي شرف البيت الشريف
ثم ابوتركي مروي شبا عطب الحدود
يوم شال الغيظ نبب على نجد المريف
جاه ناس في نهار الوغى مثل الأسود
هم هل اللقوات مروين عطشان الرهيف
من زما بانحورهم ما على ربعه يعود
|
|
يالله يالي فوقنا عالي
جزل العطا يامبري العلّه
سلّم لنا حمال الأثقالي
اللي سكنا الدار في ظله
أبوتركي مضاي الافعالي
ياماسهجنا الضد في حلّه
|
|
إلف ابوتركي عطه العلوم
وده الخط مني والسلام
قل ترى ذا لنا خمسين يوم
نسهر والله ما ننام
انتحراك تاتينا بقوم
لابةٍ كنها دولة نظام
|
|
صار للديره وأهلها وما فيها صرير
من وحم عبدالعزيز أبوتركي يوم غار
سيف ماص شذرته مايوفيها الجفير
ما يباع ولا تمده يمينك لليسار
|
|
سبل معزي مع هل العوجا سواة النظام
عادات ربعي مع بيان الصبح دق الحريب
كم شيخ قوم من يديهم فوقه الطير حام
تشبع به العرجا وطير الجو مع كل ذيب
|
|
ربعي كما مزن ظهر جاله رزيف
يقعد ثقيل النوم من حلو المنام
يتلون أبوتركي زبون اللي مخيف
حرًّ عزيز النفس عن صيد الهلام
|
|
جاك أبوتركي مانت بنطيح له
ويل من ناش بالقوات مخلابه
لو بنيتوا لكم سور على الحله
يرهبك مدفع لاشفت مضرابه
|
|
ياهل العوجا مقاديم القبيله
ياهل الردات ياعيال الحمايل
الحصان اللي رهج نجد صهيله
شف بعينك لاتطاوع كل قايل
|
|
عبدالعزيز امطوع الجاهليني
ناصب عمود الدين للجهل هدّام
خلا صماصيم الحمايل تليني
تريحوا عقب المطاريد وازحام
|
|
العرب حنا العرب ثبت بالعلم اليقين
يوم حكم الشرع محد مشابه غيرنا
قالها عبدالعزيز المعزي من سنين
نهج لوّلنا يوصي بها لخيرنا
|
|
انجلت نصر لعبدالعزيز ابن السعود
والرياض القاعدة جالها سلطانها
|
|
هانت وزانت لبوتركي البطل الصيود
لزمها عبدالعزيز الفحل بارسانها
عاد تاج الملك لأهله ولزم إنه يعود
مهرة آل سعود طاشت بشوف احصانها
|
|
اركدت شبه الجزيرة يابوتركي ركود
باني الدولة ورابط عرى عمدانها
بالشريعة والعدالة مع بذل الجهود
اتحد وصل التقارب مع بلدانها
|
|
عبدالعزيز اللي رعاها وصانها
بالراي والقوة وسطوة احسامها
محيي تواريخ الجزيرة ومجدها
بالهمة العليا وباسه قوامها
يضخ ضخ القلب بالجود والعطا
حتى ولو نفسه فدى الجود سامها
|
|
بناه أبوتركي على العز وارساه
وسع حدوده وأمّنه بالحسامي
محد طمع من هيبة الليث باحماه
يذل من سيف يقص العظامي
سيف صنع مخصوص واهدي ليمناه
يستاهله عبدالعزيز العصامي
|
 |
|
