|
|
اليوم مثل العيد كل يحييه مرور مائة عام مثل العيادي يوم السعد والخير والنصر جافيه واستبشرت كل الحضر والبوادي استبشرت بقدوم من عاد ماضيه عقب الغبن والضيق والاضطهادي معه رجال غالي الروح تهديه يوم ان ابو تركي دعا للجهادي قال الحكم ذا اليوم عوّد لراعيه لعبدالعزيز الفيصلي استعادي من شبته ماهوجس إنه يخليه حب الوطن والحكم ماهوب غادي في أرض الكويت ويطلب الله يقدّيه ويرد حكمه في الليالي الجدادي لا نامت العربان ليله يصليه يطلب جليل الملك رب العبادي إنه على درب نوى به يقويه ويحل عقد محكمات العقادي عنّز على اللي كل حي يناجيه اللي يفك المعضلات الشدادي ثم سهل الصعبات ربه لراجيه وزانت لبو تركي ونادى المنادي وحد حدود المملكة في مباديه وأحسن جواره طيب الاستنادي من قبل يملكها وهي من مشاهيه لاشك حده بأول الوقت حادي شامة عن أخصامه وصارت تراعيه تحب حب من صميم الفوادي حب على وضحا النقا تفتخر فيه ماهوب حب اهل الخنا والفسادي تظهر محاسنها على شأن تغريه تخاف ينساها ولا له مرادي قالت ترى ماريد غيرك ولابيه النفس مانرضى لها بالزهادي انت الزعيم اللي من الناس نبغيه تصيد فرزين الوغى ماتصادي عبدالعزيز اللي ابعادٍ مساعيه مودع لهب نار الاعادي رمادي عبدالعزيز اللي اعراب مجانيه مع عودته لبلاده الخير عادي من دار اخو مريم يبى دار اهاليه متعرض مابين حر وبرادي من فوق حيل مشيهن مايداريه عوص النضا اللي يقطعن الريادي عوص النضا اللي نازح الارض تدنيه امجهزات للديار البعادي تحت الرجال معادية من يعاديه اهل الفخر والجود سقم المعادي لأمره ورايه غالي الروح تهديه يوم إن ابو تركي دعا للجهادي ثلاثة وستين شخص محاريه حسب كلام مورخين الهجادي في ظل اخو نوره خلافه حواليه زحول الرجال متعبين الجوادي جاها وهي تشكي من الضيم تنخيه قال ابشري بالنصر وانتي بلادي حوّل على الطماع واخلف هقاويه ثم فك اسرها من يدين الاعادي دزّه بشلفا لحمر الدم كاسيه ونادى المنادي بعد طاب الهجادي مرتاح باله في صباح ومساريه ولاذاقت عيونه لذيذ الرقادي الا بعد ماعاد حكمه بياديه وانور سماها بعد ليل السوادي ثم استتب الأمن واثبت رواسيه من التزعزع والنشب والنكادي وحكم بها شرع الولي من مباديه مع سنة الهادي لدرب الرشادي عبدالعزيز اللي ابعاد مراميه صقر الجزيرة من طيور الهدادي عدل وبدل بعد ماعاد ماضيه حتى استقرت وانتبه كل غادي والف قلوب الشعب من حسن خافيه عقب التفرق والفتن والطرادي من عقب سهر الليل واللي نعانيه صرنا بأمان وراح وقت العنادي عبدالعزيز الله للاسلام هاديه وموفقه للخير رب العبادي ثبت قواعدها على حكم واليه ومن قوم الأحكام والشرع سادي رد الرياض من الذي طامع فيه ثم استوى من فوق ظهر الشدادي مرتاح باله في صباح ومساريه حتى لداره بالسلاح إستعادي دار لبوه وجده اللي مربيه من دونها يقدح فتيل الزنادي وعم البناء والخير معظم اراضيه وغنى حمام الورق زين النشادي مية سنة من يوم شيد مبانيه لليوم هذا قرن عدٍّ وكادي الف وثلاثة اميه بهن زود محصيه تسعة عشر ماغيرهن بالعدادي اليوم مثل الأمس مانيب ناسيه مية سنة تفرق بها الخير زادي ميه بها التاريخ وضح معانيه سم على كبد الحريب المعادي النصر تلو النصر ياجاهل فيه وين انت ياللي باسود الليل غادي هذا الزعيم اللي ملا الكون ماضيه عبدالعزيز اللي بحكمه ركادي شيد اصروح العلم واثبت تواليه واطلق عليها الاسم بأول جمادي تاج على رأس السعودي وهنيه اسم لعله مايجيه النفادي اسم لهم بأول زمانه وتاليه اسم الجدود الأولة والحفادي الله يبيحه كل ماحل طاريه آمين يامعبود ياخير هادي أرث له اعيال مشوا مع مماشيه في عهدهم لبست اثيابٍ اجدادي ضد الخصيم وصايب الحق تعطيه وامطوعين اللي براسه اعنادي عدوهم من كاس الامرار تسقيه والى عطوه الوجه ماعاد عادي منهم سعود اللي نوده ونغليه خيره على شعبه وفيه السدادي ولاهي غريبه كل طيب يسويه ميراث جد من ثمود وعادي ثم فيصل اللي عاليات هقاويه ضد اليهود وللعروبه إسنادي يكيدهم كيدا على حكم واليه ويحلل الموضوع صبح وهجادي لو القدر ماحل به في مباديه أظن يسقيهم شراب النكادي فيصل له التاريخ يشهد ويبكيه يبكي الزعيم اللي يحل القيادي ثم ان حكم خالد وخيره يباريه عن الشريعة مايصير احتيادي نفذ مشاريعه ونور كباريه زاد البنا عمران وكل استفادي خير على شعبه من اول وتاليه الارض تنبت والمطر بازديادي ثم ان فهد كل يخافه ويرجيه حلال صعبات الامور الشدادي لاضاعت الحيلات كل الرجا فيه بعد الذي يحيا الغصون الهمادي فهد فهد من جا يبي الراي يعطيه راي مثل ضرب السيوف الحدادي زبن الدخيل اللي من الخوف ناصيه من جا بظله يهتني بالرقادي حامي وطنا عن هل الغدر حاميه يضفي جناحه فوق حضر وبوادي العاهل اللي مقدم الرمح يرويه فهد ولد عبدالعزيز القيادي حامي حمى البيتين عن كل جانيه بحرا اليا زادوا هل الشر زادي في قبلة الإسلام محد يشاديه وعما يخص العرب ماهو حيادي اسم الجلالة بدله باسم يرضيه خادم بيوت الله قوي المرادي اصدر قراره لأنه اللي مسميه اسم عرف به طيب الاجتهادي واللي نهار الضيق تعرف عزاويه عضيده الايمن رفيع المبادي عبدالله اللي كل طيب ظهر فيه عليه في كل الامور اعتمادي لاجاه شخص جاير الوقت حاديه مايروح من عنده خلي الايادي عبدالله اللي كل جرح يداويه وفعل ابو متعب ماحصيله اعدادي وعضيدهم سلطان لاخاب راجيه قايد جيوش مثل وصف الجرادي درع الوطن عن كل طماع تحميه بحماية الله هم حماة البلادي بالطيب والنخوة وراي يقديه بحلم وعلم وللنشامى استادي ابوه عرّب ماكره يوم يجنيه طير السعد من يقتنيه استفادي ونايف عسى ربي يحفظه وينجيه ذخرا لنا في المعضلات الشدادي ثابت وراسي مثل راسي رواسيه رجل فهيم وفي المهمات جادي هوفزعة اللي يشتكي له يشاكيه عون الضعيف اللي حدته الاعادي حق الضعيف من القوى مايخليه في السلم سلم وفي المعاند اعنادي وسلمان ابو سلطان محد مجاريه يكيد من كاده ولكاد كادي يشبه لعد ماتوقف سوانيه عد الروى ماظن مثله يلادي عد الروى اللي واضحات مواريه مهوب حسو مايسقّى الورادي البوسنة تثني عليه وتهنيه هي وسواها اللي وصلها المدادي سلمان غيث ماتعدد حسانيه ياكم اعد ولاحصيت العدادي كافل يتيم جاير الحزن طاويه ابوه مات ولابقاله اسنادي ماظنتي يسلم وتبرى مكاويه في حزنهم قامت تذيع الروادي الا الولي من بعد ماصار يؤويه ثم فزعة اللي له صحايف اجدادي وكل اسرة آل سعود قاصيه ودانيه الله يوفقهم طريق الرشادي مية تمام القول عد قوافيه من شان مية عام جبت اجتهادي وصلوا على من جل شأنه منبّيه عد البشر واعداد ماسال وادي |
 |
|
