مبروك للرايد جماهير وحشود
ومبروك لبريده بزفة سفيره
وبعام المية مبروك مقرون بصعود
ومبروك للديره وبارك لميره
وللذي قدم لنا كل مجهود
وايضا لمنهو للرياضة وزيره
ويحق لبريده تزين بلورود
وتلبس عقود الورد وتنثر عبيره
وباركوا لسدوس على الفن والجود
الدرع حقه مانقوله كثيره
ومبروك للربدي مشى خطاه بركود
ماخاب فعلٍ وبو خالد يديره
ومن حقنا الممتاز والغير مكيود
منهو ينافسنا يذوق المريرة
اول وثاني مابه اليوم منقود
كلٍ وصل ماراد وقرر مصيره
حنّا وحوش الكون وسباع وسود
وحنّا الأصايل بالمعارك مغيره
وحنّا النجوم الحمر قيل بشهود
حال الخصم وقت المنازل خطيره
وحنّا البحر لافاض جزر ومدود
يلوف من فوقه بغبة جزيره
وحنّا السحاب اللي لها برق ورعود
تسبق مطرها في عواصف نذيره
وحنّا المضاد اللي نطح بالسماء سكود
وحنّا الشبح صعبٍ عليكم نظيره
صاروخنا عبر السماء ماله حدود
ياصل مراده مايهاب الذخيره
راداركم ماله على البرق راصود
ماتنكشف نارٍ حرقها سعيره
نروي عطشنا وصيدنا اليوم مصيود
مانرويه صيد الهزل او كسيره
واللي فعلنا أول ترى اليوم معيود
وهذا جرسنا دق صوتٍ نذيره
جاكم عميد الفن للفن مقصود
صاحب عروض الفن واطول مسيرة
يزحف كما الطوفان والناس بشرود
مايوقفه موج البحر مع هديره
منهو زرع درب الحمر شوك وقيود
اصبح بقيد الهم دايم اسيره
وصابه عذاب الهون وعادٍ وثمود
وجف القلم والحال صارت عسيره
وختم كلامي صاحب الخير محسود
عسى الحمر يبقى وعسى الله يجيره
كتبتها للمدح مافيه من زود
وعبر الرياض أرسل وعبر الجزيره
