لله دره يوم نور شعلها
في ساعة تشكي الركايب حفاها
عبدالعزيز اللي تحمل ثقلها
مع كبرت القالة معزي شراها
اليوم مائة عام حكمه كملها
بأمن وأمان عالي مستواها
فتح الرياض أول مهمة عملها
وعمت به الفرحة وكل رواها
وحد جزيرتنا ولمم شملها
والمعجزات اجتازها واحتواها
الَّف قبايلها وقوَّض جهلها
وحكم شريعتها ونفذ قضاها
جاها الربيع وزال عنها محلها
أخزى الصحايف الأولات ومحاها
وما مثل ابو تركي تحمل اقولها
حتى نجح بالسيرة التي بداها
ثبت مناهجها وعلا مثلها
وأرسى قواعدها وشيد بناها
والراية الخضراء تعبر اجملها
عن منهج المرحوم للي قراها
قوة لمن يخطي مناهج عدلها
ونعيم واستقرار للي رعاها
وحل القضاء روح الأسد واعتزلها
وكل بها الأشبال ترفع لواها
وبأمر من العاهل سعود انتحلها
ظفرا بذل نفسه لبوه وعطاها
ومن بعده الفيصل يعمل ارحلها
بسياسة عليا صعبة رقاها
ومن بعدهم خالد بلطفه شملها
بسبع السنين اللي بحكمه قضاها
ورحل وسلمها لمن يحتملها
للقايد الرايد مشيِّد بناها
فهد فهد هو عزها هو بطلها
بحكمه نذر دمه وروحه فداها
من حكم ابو تركي تعلم اجملها
اللي بدا الخطة ورسخ نواها
خذا الفهد من سيرته وارتجلها
والنعم بالقدوة وباللي تلاها
لبلاده اصخر بالجهود وبذلها
لا كبرت الأزمات عينه وراها
وحنا سعوديين نحمي سهلها
واجبالها والساكنين بثراها
في حكم ابو فيصل ذراها وأملها
شعب وفي عهده وتيم ولاها
لامره جنود ما نراعي مهلها
في طاعة القائد اليامن دعاها
نرفع له الراية ونمضي قبلها
ونرخص له العين العزيزة كراها
