طلبت المولى لزوم دايم وفي كل يوم خالق الأمة رحوم مايخيب من رجاه
بعدها باهدي سلامي من ضميري باحترامي ويتجدد كل عامي للمعازيب الغلاه
الملوك إخوان نوره تحمي البيت وتزروه والوطن واهله فخوره مجدهم محدٍ نساه
طبقوا حكم الشريعة والشرف ماهي تبيعه عادة ماهي بديعه والوطن صاروا فداه
هم سلاطين الجزيرة في الصغيرة والكبيرة من عهد صقر الجزيرة طيب المولى ثراه
الملك عبد العزيز ريز والعربان ريز راعي الحل الوجيز يرحم الله من بزاه باطلب الرب العظيم يحفظ الاب الكريم الزعيم بن الزعيم سدد الباري خطاه
خادم البيت العتيد الفهد قايد فريد ياعسى عمره مديد والله يرفع مستواه وابو متعب له تحية عد همال الرفيه ولي عهد وبه حميه طيب من طيب اباه
واتشرف بالشجاع قايد جيوش الدفاع دايم امره مطاع سيفنا واحنا خباه
دام عيدك يابلادي في حمى رب العبادي وان دعينا للجهادي دارنا حنا فداه
في مية عام احتفلنا الملك والشعب غنى دام عزك ياوطنا في حمى رب الاله
بيرق التوحيد عالي شرفه رب الجلالي عند كل الشعب غالي مايطوله من بغاه
شجرة آل سعود دومي رفرفي فوق الردومي عزك الله بالقرومي لاتهابين العداه
كل ماقلته حقيقة بالدلايل والوثيقة مستحيل اخفى الحقيقة وكل بذر من جناه
والنهاية سامحوني وان قصر شيء اعذروني والوفاء واهله تموني وكل هرج له كراه