كل خل يحب خله في حدود

بس اناجاوزت حدي في غلاك

والسبب مالك شبيه بالوجود

خالقك ربي على صورة ملاك

كل خلق الله على زينك شهود

لك صفات ما عطاها الله سواك

لك عيون ناعسه خدره وسود

من نظرها شاف موته والهلاك

في خدودك مثل براق الرعود

لا برق يكشف عطاربٍّ عطاك

وينبهر من شاف براق الخدود

ويحسب ان الشمس تسكن في سماك

والشفايف تبتسم مثل الورود

وتمطر الريق المصفى من حلاك

ريقك الحالي قراح للكبود

اشربي يانفس واروي من ظماك

يا عنود الصيد قولي ياعنود

واطلبيني كل شي لي فداك

بيني وبينك مواثيق وعهود

بس مدري كيف انا باصل مداك

ارحم المشتاق ياظبي النفود

ارحم اللي عاش عمره في رجاك

لا تفنن في عذابي لا تزود

الله اللي قد بلاني في هواك