لي في الهوى عثرات وآثار واسهام
لأن الفؤاد امسى قتيل المحبه
ياكم لقيت بصدري رماح واسهام
والزين لوتفنى صباتي تنبه
شفته فبانت لي حقايق والاوهام
وابقى نزيف الجرح وبيده طبه
لاجله مشى التايه على ارضه ولو هام
ما عاد احد فيما جرى له يسبه
عشق الظبي عاصرته ايام واعوام
عشقه شقا واشقى الشقا اني بحبه
الحب بحر الهول وان جاه عوام
يسبح على الشاطي ويغرق بقربه
يا باكر ان جيتك ترى بقلبي احلام
هات الحقايق والثمرهات لبه
وان قلت يازين الخلايق بي اسقام
قال الهوى مر يذوقه الاحبه
لو كان وصفي للتصاريف جزام
ما صاب قلبي قاتلي ثم شبه
ياكم عطشت وقاتلي بالروى دام
واعطيته الماء ثم جاني وكسبه
هذا ظلم يا اهل العداله والانظام
واسوا فؤادي وانت بالدهر ربه
