أبا كتب اللي ما كتبته من الحين

الحرف يقرأ حرفه اللي يتمه

الباكية تبكي وتشهد لها عين

والضاحكمة تضحك على غير يمه

يامن رقص من ضحكته ميت البين

والا بكاه احياء فؤادي ولمه

ضم الهناء ياليل ضم المساكين

ضمك لجمرة برد، ياليل ضمه

خل الجروح اتصف والطير صفين

كل وله هم عليه استهمه

ياونتي ونة وحيد المحبين

اللي لهم شرع الهوى وين عمه

والا حزين داره احلى بساتين

ثمه، يموت ان كان له موت ثمه

ما أدري, عسى ما قلت بالله تكفين

يادار للغربه، وبيت، وسمه

ياماغدا للروح من زين، يازين

سم الفؤاد، أبلى كياني وسمه

واليوم قلت العقل مخلوق من طين

لقيت خلق العقل مازاد كمه

يوم عرفت انه من الفن، فنين

أختصه الله غيب والغيب يمه

اركد ترى ياعقل ما كنت عقلين

الله خلق عقل وقلب ورمه