لا تنثرين الدمع لا تنثرينه
ينزل على خدك وفي خافقي شب
وقت الطرب والعز راحت سنينه
عقب صفاة الجو عاصفوها هب
راح الزمان وراح وقت تبينه
ألي ولك والكون معبودنا الرب
القلب من بعدك تزايد حنينه
راع الهوى والقاف دايم معذب
الله على جور الليالي يعينه
لوه غلب امرار ملزوم يغلب
قد شاف من وقته بعسره ولينه
قولي لعذال الهوى دايم تب
من هان غيره الليالي تهينه
عقب الحلا من كاس الامرار يشرب
يصبح نهاره مظلم وسط عينه
جزاه زود بالحقائق ويكذب
قلبي يقول بيوم لازم تجينه
ماله بغيرك يا هوى البال مطلب
الشعر به ذكرى عسى تذكرينه
لجاك داع الود يا صاحبي لب