لي صاحب ما اسمع ولافيه اوحي

كنه ملاك صار بالعين كنه

مع طاري اسمه كن طيب يفوحي

عندي واحس بريحته فيه خنه

واعتز في ذكره واحسه يلوحي

فيني الفخر لا من حكو الناس عنه

واقول هذا رفيقي النصوحي

اللي فؤادي فيه ما خاب ضنه

يكفي يعرف بخاطري دون بوحي

ويدري بهمي لو ضلوعي خفنه

هو صاحبي اللي لا سمعني انوحي

جاني يشاركني من الهم ونه

وينزف وريده لا درى عن جروحي

كن الهموم اللي جرحني جرحنه

ما يوم بهمومي تركني بروحي

يشيلها ولا يشتكي لو كونه

وفي زلتي دايم فؤاده سموحي

يرفا الخطا وما يلحق رضاه منه

موقفه واحد وقت جد ومزوحي

وجور الظروف القلب ما يخلفنه

قلبه عفيف وفي كلامه وضوحي

ودرب الوطاء رجليه ما قد مشنه

ياجعلني ما ابكيه وجه الصبوحي

والبسمة اللي زاهيه دوم سنه

وياجعل من جابه حياته فروحي

وبالاخره يجزا من الله جنه

يا قل من يلقا بوقت شحوحي

رفيق بالدنيا المواجيب فنه

وهذا رفيقي بدنيتي ذا طموحي

اللي حياتي بخوته مرجهنه