الوقت خان ولاسمح نلتقي فيك
اخلف مواعيد الوليف اوليفه
لاجتني ضروفي ضروفك تقاسيك
تمنع وصالك عن وصالي مخيفه
نخشى الملامه لاتجي فيني او فيك
وتفسر العذال كلاً بكيفه
مثلك اداري ياحبيي وداريك
أخاف من هرجة عقولاً ضعيفة
ادري بحبك مثلك القلب مغليك
من حبكم صارت حياتي كسيفه
لاجيت ابرقد ذكرتني مساعيك
قلبي تقطع وانتصف بالنصيفة
وان جتني الاخبار بسمك وطاريك
اتسمع احداثك وروحي لهيفه
وتخيلك تحيك ونا اللي محاكيك
بيني وبين بالعلوم الطريفه
لابد مايوما اشوفك ولاقيك
يجيبك الله بالليالي المريفه
اصبر وانا بصبر ولاشك اوصيك
ترى المحبه ياحياتي كليفه
