عزيزتي الجزيرة
السلام عليكم ورحمة الله وبركاته:
إضافة الى ماكتبه الأخ/ محمد أحمد الفهد في العدد 9727 بتاريخ 2/1/1420ه عن المرحوم عبد المجيد فهد البهلال في يوم الاثنين الماضي الذي انتقل لملاقاة وجه ربه اثر غرقه في احدى الاستراحات بالرياض، أقول - والحق يقال - ان المرحوم كان من خيرة الشباب، وقد عايشته منذ طفولته حتى وفاته، ولم اشاهد او اسمع عنه مايشينه، وقد كان شابا نزيه الأخلاق عفيف النفس طيب الذكر، ومن باب الوفاء والمحبة كتبت هذه المرثية المتواضعة فيه رحمه الله واسكنه فسيح جناته:

الحمد للي يملك الكون والناس ربٍ بحمده لو على ماكرهناه سبحانه اللي ياهب الحي الانفاس وسبحانه اللي يجعل النفس تنصاه يومٍ ولد آدم ينقيله لباس بكره ينقاله مكانٍ لمثواه كلٍ يبي يدفن من الراس للساس ولو عمر الإنسان فالموت يلقاء والموت صيادٍ شديدٍ الاقواس يوم يصوب صوب نيشان ما خطاه الموت مايمكن نصده بالاتراس والموت حقٍ حطه الله لحكماه لا باس يا ام فريح لا باس لا باس عبد المجيد الله كتب إني أرثاه قدرٍ قبل ما يخلق الله هالاجناس ينفذ على اللي كارهه او توقاه ادري مصابك له مواجع وحساس وادري جنينك تتعب النفس فرقاه اكذب إذا قلت الحشا فيه ماحتاس يومٍ لفتنا جملة الله توفاه والقلب كنه صار يحمس بمحماس غالٍ على قبي ولايمكن انساه بس الصبر انشاء باليك نوماس وما حب ربي مسلمِ إلا اشقاه ربك كريم يوم خلاء غطاس يغطس ولايفتح عقب غطسته فاه ربعٍ مشى معهم وللدين حراس كلٍ يفاخر به وينعم بممشاه حطوا جوايز مع هدايا ومع كاس ثم صوتوا باسمه وصفوا هداياه ابطى عليهم واسألوا كل الاجلاس ثمٍ دروا إن الشهادة مجازاه سبعين حوريه ولا مسهن ماس جازاه ربه مع نبيه وصحباه رباه صقرٍ لين خلاه قرناس اسمه فهد طيبٍ وجودٍ عرفناه مشيه عدالٍ ما مشى درب الادناس ماحدٍ يفوقه بالشهامه وطيباه الله يجمعنا بهم وسط فرداس والله يسامح من توفى وعثراه