ما لقيتك لو بغيتك فرحة بهالدنيا السعيدة

لا وربي ما لقيتك ياسنا كل البدور

ما قصدت اني أحبك لابغيت بها القصيدة

كان قصدي التهي بك وأترك اعماقك تثور

كنت أولف لك حكاية لاجل اهداف عنيدة

كنت أساوم فيك قلبي ما أي طفل يبور

كنت اخدع فيك نفسي وارسمك قصة جديدة

أحلف اني من عرفتك ما تحرك لي شعور

كنت اقتل فيك وقتي واعرفك ماني وحيدة

بس امثل لك رضايه وانت ما تسوى قشور

كنت أقول انك حبيبي واقرب من قلبي لوريده

كنت العب بك حقيقة واكسرك لحظة غرور

كنت أظن أنك طريق يختصر ديرة بعيدة

كنت ابوصل بك لغاية وابني بكذبي جسور

كل هذا لأجل قلب حطمه حبي بإيده

وكل هذا لأجل قلب صار ثامن هالبحور

وفي النهاية صرت أحبك وحبك ايامي تزيده

بس وينك يا حبيب غاب في لحظة حضور