غيرتك الليالي واحسبك ماتغير
الله اكبر تمد ولاترد السلامي
مولع بك قديم يوم سنك صغير
يوم وجهك مدور مثل بدر التمامي
يوم تاقف بد ربي يوم رمشك يحير
يوم اشوفك اضيع مفردات الكلامي
لاطويل طويل لاقصير قصير
نور خدك يضوي مثل برق الظلامي
وين دمعٍ تهله وين خطٍ يجيّر
كل شي تغير يارفيع المقامي
ليت قلبك يحن وليت رجلك تسير
يفرح مولعٍ بك كود عينه تنامي
اشهدني احبك غصب ماني مخيّر
واشهدني اعرفك لولبست اللثامي
اعشق اسمك وصوتك جد ولاتعيّر
ياتراحيب برق لاح وسط الغمامي
