يا شروق الشمس لليل الحزين
أطرد الأحزان عن صافي سماك
من جروح الغدر جيتي تشتكين
تشتكين اللي جهل قيمة غلاك
هو سمع بالكذب صوت الحاسدين
باعكي بالظن والله ما شراك
في عيونك أنت مجروح السنين
والأمل موجود كله في خطاك
واثق الخطوات تمشي في يقين
الموانىء أنت وأرسي يا ملاك
أحمل أحلامك على كف الحنين
وأحضني بالشوق من يبغي دفاك
اضحكي للوقت لو أنه يشين
بسمة الأيام تضحك من شفاك
اثبتي في صمت والله تشعلين
تشعلين النار قلب اللي رماك
يا نسيم الليل داعبها بلين
داعب المجروح يفرح في هواك
