هاجوس قلبي وفكري معك يا خلي
خفوقي أتعب على شانك مظاهيري
أحيان فكري معك واحيان أنا كلي
دايم وبالي معك سارح وتفكيري
ودايم وصورتك قدامي تخيّل لي
لاجابها الطيف ليه عرقلت سيري
قلبي بشوفت خيالك دوم متسلي
قلبي يسير إلك قبل أقدامي تسيري
ما حب غيرك من الخفرات وأنت اللي
قربك وشوفك هو احلامي وتفسيري
أخذت قلبي بحسن الغي والدلي
حتى شعوري حكت من زود تاثيري
مدري وش اقول فيك ويش باخلي
لو جيت أعبر تبي تكثر تعابيري
ولو جيت أحليك على منهو أحلي
ياهايف الخصر سامحني بتقصيري
لكن خلك مثل مقبلت مقبلي
انصفّي الجو لو فالجو تعكيري
وش ردت الفعل باللي قلت قلي
بشرني الله عساء يبشرك بالخيري
لد النظر لا يطير العقل ويولي
عجل ترى الوقت ما يحتاج تأخيري
ما عاد بيدي لاربطٍ ولا حلي
قربك هو الجنة وبعدك زمهريري