جيت أكتبك فعل ومواثيق واحساس
جيت اكتبك ياصوت كل القصايد
يكتب لك التاريخ بحروف وانفاس
فعلك يسولف عنك رايد وقايد
اقولها ياسيدي وارفع الراس
مادمت طيب عيد الأمجاد عايد
يادرعنا لادقت الحرب الاجراس
لا من بدا فالعلم ناقص وزايد
لو هي كبيرة قلت للناس لاباس
رايك يحل معقدات الشدايد
طيبك يابوفيصل بناها من الساس
علمتنا وشلون صدق الوعايد
والراية اللي عانقت كل نسناس
بحروفها الإسلام مجده تزايد
كفك خلقها الله لجل رحمة الناس
خيرك غدا بارقاب شعبك قلايد
يافزعة المظلوم لا جاك منحاس
ياضحكته لا صار كله مكايد
يوم القصايد تنكتب فيك باحساس
اسمك لحاله بس عطر القصايد
