سولفت لك في منتهى الصدق وانصفت

قلي وش اللي تحتريه امنياتي

انا احسب انك شلت همي وخففت

واثريك باضعافه تزيد لحياتي

اجدك لي في كل درب توقفت

في ضحكتي في ونستي في سكاتي

لاجيت اسولف : فيك ,, لك عنك سولفت

حتى بدا هاجسك باكثر صفاتي

صافحتني بحضور غيرك,, ولا طفت

روحي بهمس شفاك واشعلت ذاتي

والله ما كني بحيا,, تعرفت

غير انت,, والماضي كما الحلم فاتي

وان كان ما حسيت ,, ما وحيت,, ما شفت

قلي وش اللي تحتريه امنياتي