الدحيمي ينثر فل الجنوب,, وكاديه عبر هذه الحروف النابضة بالاحساس المرهف,, والشاعرية الاصيلة,, مرحبا بالدحيمي,, وكل الرائعين

يا رخص هالدنيا بعين اللي عشقك ويا غلاك يعيش بعضي في هواك,, وميت فيك اغلبي انا وبارد قهوتي من امس واحنا في حراك وهذا الرماد اللي تشوف البارحة كان حطبي بأورد مغاتير الوله نبعك واقول اطفي ضماك وليا ارتوت قلت ارجعي يمه وعلي واشربي حيل الله اقوى كلما قفيت ناداني هواك وان جيت تجفل مثلما يجفل من الزول الظبي بلاي يجبرني هواك اتحملك وادمح خطاك واعذرك والا اغلب معاذيرك لها وجه غبي يا متعب الخطوة عساها بالعمى عين تراك ما تذكر الله ثم تتبعها الصلاة على النبي ان كان لي مقيال,, مقيالي عيونك يا ملاك وان كان لي مرقاب,, في نايف رموشك مرقبي اشرق بنورك خل شمس الكون يكسفها سناك ليا شرق نورك,, تساوى فجرها والمغربي كل لقى حظه وانا,, مقهور من حظي معاك خليتني بأقصى العمر طفل من الشوق يحبي