كان القراية غذاء للعقل والروح
انتي غدا قلبي وعقلي وروحي
ما قلت لك غير باب القلب مفتوح
ويا مرحبا بطلة الوجه الصبوحي
صحيح بالقلب غير جروحك جروح
لكن جروحك تراها اغلى جروحي
الله يسلم عيونك وانت مسموح
اكثر من مسامح القلب السموحي
وعلمتني كيف أذل الصمت بالبوح
وعلمتني كيف بالنظرات ابوحي
يا كثر ما القى العواذل وين ما اروح
وياكثر ما قلت بك لا اسمع ولا اوحي
والهرج مملوح دام الوجه مملوح
ومن ثقل دمه ثقل دم المزوحي
من حب لويستتر بالستر مفضوح
والا انت غامض على شدة وضوحي
وكان القرايه غذاء للعقل والروح
اي والله انك غذاء قلبي وروحي
