جيت لابها عاشق نسمة هواها
جيت لابها عاشق ريح الجنوب
عاشق بالحيل برد ابها وماها
وعاشق حتى مطرها والهبوب
ديرة بالخير والطيبه تباها
مع نسيم الصبح تضحك للغروب
المطر والغيم في عالي سماها
للجبال وللتلال وللهضوب
ثغرها يضحك لمن بالشوق جاها
وتبتسم حتى في الوجه الشحوب
تحتضن من طيبها كل زوراها
وقلبها بالشوق للعالم رحوب
ديرة بالورد والكادي كساها
وبالجمال الله عطاها الفين ثوب
الكرم والجود من طبع اسكناها
والغلا والطيب منزله القلوب
ديرة ريح الخزامى في ثراها
والنفل والورد فيها بكل صوب
ديرة من زارها يعرف غلاها
غصب يهواها ولا هو مغصوب
آه يا ما اجمل عسير ويا حلاها
من هواها مستحيل انه يتوب
