جيت راجع دوبها الرحلة قضت
جيت مثقل في شقا الماضي القديم
جيت واحمل حافظه ذكرى فضت
ما بها غير الشقا لقلبي السقيم
وجرح فيه النفس مجبوره رضت
جرح قبله جسمي المبري سليم
جيت اشيل علوم للصمت ارفضت
جيت اسولف شوق للحلم القديم
لا حكيته نبرة الحكي اخفضت
تختنق من بطشه الهجر العديم
جيت اضمه حب واشواق انبضت
في فؤاد داخله حزنه يقيم
جيت لكن ما لقيته واعرضت
امنياتي كلها وصارت هشيم
واعتلا نفسي عذابي وانهضت
مثقلة بالحزن والجرح الاليم
وابتدت رحلة عذابي ما قضت
ابتدا مشوارها بليل ظليم
ورحت شارد كن هالدنيا فضت
كن ما به غير انا وعبدالحليم
