نشرنا هنا في عدد الثلاثاء 15/3/1420ه قصيدة رائعة للشاعر الكبير محمد بن خلف الخس المطيري موجهة إلى الشاعر الكبير عبدالله بن عون.
وفي نفس الاسبوع وصلنا تعقيب كتبه سمو الامير الشاعر خالد بن سعود الكبير ونشر في عدد السبت 19/3/1420ه وكان التعقيب تأييداً لفكرة الخس ورفضاً لتركه الشعر وتساؤلاً عن رد الشاعرالكبير عبدالله بن عون.
وبدأت على مدار الأسبوعين الماضيين تساؤلات عشاق الإبداع,, هل رد ابن عون,, ومتى سينشر رده؟! وها هو ابن عون يجيب عن كل التساؤلات في رد شخّص فيه داء الشعر ووصف دواءه النافع إذ يقول:

ارفع لامير الرياض الله يرده عقب ما راح وقل له ترى الشرهه الاولى على الرجل القيادي حيثه طبيب المرض والبلسم اللي يشفي الاجراح وامره يجي ساري المفعول ما فيه ارتدادي

واليكم القصيدة كاملة كما بعث بها شاعرنا الكبير عبدالله بن نايف بن عون

بالساعة الهادية يوم الخواطر وردها فاح والليل مضفي على البيداء جلابيب السوادي ولا عاد عندي من السمار غير النار وبداح وبيض الورق واليراع اللي يغذيه المدادي اشتقت لمحايلة شرد عليها الوسم ما لاح شرد بعضها يصاد ونوب يجفل ما يصادي من يوم شاعر مطير أوفد بنات الفكر طفاح وتواردني على المطلوب سمحات المقادي باول مدارات شعبية قريت رموز الايضاح من شاعر ما يجي بيته عن العدل متحادي يا حلو هدة فلاح الى تردى فعل مياح وقامت تكارك وكارى ما تصيد الا الجرادي يابو خلف لا تمادا بالحسايف والتوحواح يا راهي البوع مانت بمثل مقصور القيادي شعرك مع اشعار غيرك مثل ضرب السيف ابولاح تشفيك قبضة نصابه فالصباح وفالهجادي لا تنزعج من صواديف تصيب الشعر يا صاح خلك على الوقت وضروفه معك صبر وجلادي ولا ترفع اللي يطيح ولا تعزز له الى طاح وعما يريبك توسع مع رهاريه الريادي يا سامي الذوق انا للي تكلم عنه لماح لا شك نفسي معودها على قضب الحيادي ما لي سبيل على اللي ما يدل اسلوب الافصاح ولا لي نشاط توقف به برامج كل رادي لا شك يوم المشوره يا زميلي وقتها تاح نبي نبين طرفها وانت رجال سدادي ارفع لأمير الرياض الله يرده عقب ما راح وقل له ترى الشرهة الاولى على الرجل القيادي حيثه طبيب المرض والبلسم اللي يشف الاجراح وأمره يجي ساري المفعول ما فيه ارتدادي وشلون تطمع دلافين البحر في ذيب الاسياح سواة راع الردوف العام مع راع الشدادي يا بوخلف لا يهمك في زمان اليوم جماح اللي الى اخطا وقوعه فالخطيه شي عادي أوادم ما يعرفون الشهاق من التنحناح ولا يفرقون السمول البايدات من الجدادي ناس تشوف الضحاح ولا لها فالبيد مياح يحدهم ويحداهم عن مفاهيمك حوادي وان قامت الناس عن هداج تارد كل ضحضاح الرابح اللي معه صبر كما صبر المهادي واما اعتزالك فهو مرفوض جاني حث والحاح جاوب جماهيرك اللي وقظتني من رقادي للشعر جنحان وانت اجناحه اللي به الى ماح شاله عن المنحدر وارقاه في روس المبادي والطير لا جا الخلل بجناح ما قد حام بجناح واحد ولا قد تهقوى الصيد بايام الهدادي ارعه مثل ما رعيته فالقدايم رعي مصلاح وان ما تقبلت شورى قلت خالد يا سنادي انخا ولد واحدٍ يكنا له التكبير ويباح نعم بهاك السعود الى اعتلا سرج الجوادي ولا مكارم حليف الجود اخو شقران بشحاح اللي نوادر خياله ما بعد ولدت هبادي محدٍ يوقف على الدار المخيفة غير بسلاح وميقاف خالد بصفي هو هواي وهو مرادي واسلم ودم يا محمد ما تبسم نور وضاح وما خازرتك العيون السود فايام العيادي