حبيبي لا تردك هرجة العذال عن وصلي
ترى هرج العواذل يا حبيبي ضايع فوده
واذا قلبك قدر يرخص انا ما عمره ارخص لي
فؤاد من كثر شوقه ألا ياما انحله عوده
وشى لك عاذل الحب الكبير اللي تربص لي
وقطعها حبال من زمان العام ممدودة
وانا في داخلي نار المفارق حرها يصلي
كما نار بدوي لا لفاه الضيف يا جوده
ابيك ان جيتني راجع مثل ما اخلصت تخلص لي
ما ابيك تغيرك هرجة دعاة الشر وشهوده
ومدام انك تفضل مقصد العذال عن وصلي
ترى ما همني وصلك ولا نقصه ولا زوده
