نايف المريخي شاعر شاب انتشر شعره في مجالس السمر قبل ان تنشره الصحافة,, وفي هذا العدد يشاركنا بالقصيدة التالية التي خص بها مدارات :

يابو مشاري ما بصدّي غرابة عن ساحةٍ من يشتريها تبيعه والله لتدري كان فيها نجابة اما تعرف الصبح والّا تبيعه عن شاعر لا شاقه الطرق جابه ما هو من اللي يصطنعها صنيعه ياقف الجزلات القوافي مهابة لادرهمت يم المعاني مطيعة لا ارخى سواد الليل حالك حجابه دكت هواجيسه مع آخر هزيعه ما له زهاب الا الشعر هو زهابه اقفى بشعره عن قلوبٍ لكيعه لو كان ما له بالقلم والكتابة لكن غدت ذيك الروابي شفيعة صدره زخر بالقاف وانهجّ بابه في ديرةٍ فيها الخواطر وسيعة في ديرةٍ فيها الزمان يتشابه فيها استوى صيف الزمن مع ربيعه روس الجبال قطّعن السحابة ترسم لناظرها جمال الطبيعة يحتاج للمنظر طريح الصبابة اللي علق بين الرجا والقطيعة تجلي هموم اللي تكدّر شرابه وليته شراب الا سرابٍ بقيعة ملّ الوعود ونوّخت به ركابه وملّ المنادى للعقول النجيعة لكن يبيها وقفةٍ وانقلابة ما اعتاد للتالي,, يروم الطليعة اما يحصّل موقع ينغزا به والّا يقفيّ,, ما له إلا القطيعة