ما هوب ثقلك نافعك مع غرورك
يا اللي تجاهل وصل غالين واحباب
يا ما تعبت اسمع لقولك وشورك
قبل اعرف انك يا شقي العمر كذاب
وياما رفيق الحزن راعى شعورك
رغم ان لي في حبكم حرق الاعصاب
ورغم التعالي فيك جيتك وازورك
ولو غبت طيفك وسط عيني فلا غاب
كله عشان اضمن رضاك وحضورك
واقول لا تطري مشاوير واغياب
ورفعت من قدرك وعليت سورك
وفتحت بالشهره بشعري لك ابواب
وبالقلب قد مهدت جسر لعبورك
خلتني انزل في مقامك ذا الاسباب
ويوم انت يا المغرور طفيت نورك
وكبرت براسك,, بتركك خاطري طاب
ما ينفعك عذرك ولفك ودورك
خلاص,, تاب القلب من ذا الغلى تاب
الشعر يفخر بي ويغري غرورك
خل الغرور اليوم يرجع لك احباب
