عطوني خبر ياهل المواتر قبل تمشون
تراني مجهز للسفر لا تخلوني
على دربكم شيلوا قدم واحد ممنون
خفيف الحمول الا من الجرح وشجوني
ابي ديره قلبي عليها قتيل اغبون
على شان من تبكي على شوفه عيوني
بعيد النوى لاشك ما دون وصله دون
ابجيه ماشي رجل لو ما خذيتوني
وليف خذا من نجد قلبي معه مرهون
ولا عاد جوني منه ناسٍ يمروني
سكن بالجنوب وسر حبه معي مدفون
دفنته بصدرٍ جاب ما كان مكنوني
انا اموت واحيا فيه والناس ما يدرون
لانه مناسبني ولونه على لوني
عليه الطواري عذبت قلبي المفتون
ملكني بحبه لين ضيعت مضموني
يقولون لابد المحبين ما ينسون
وانا اقول ما كل المحبين ينسوني