واهناة اللي في عمره ما بكي

دايم البسمه على وجهه تبين

واهناة اللي طروب ما شكى

من هموم قاسية عيت تلين

في دروبه كل ما طاح ارتكى

لاقي في وسط دربه من يعين

كل عمره والفرح جنبه ركا

ياقف بجنبه يسار ومن يمين

حظه اللي قام له ثم زكى

دايم تصفي له الدنيا وتزين

البلا اللي ساكت ما قد حكى

مخفي همه وكل يومه حزين

عايش وقته وجرحٍ له نكا

يرتجي رب عزيز ما يهين

من خلقه الله وهو حزن وبكى

دايم الدمعة على خده تبين