مابقا فالقلب موقع للجروح
كل قلبي راح جرحٍ مابرى
والله إن الروح خطرٍ لاتروح
من الهوى مجروح ما أحدٍ بي درى
إن شكيت الحال يضحك لي مزوح
وطال صبري وإنحرم جفني الكرى
وكل نظره فيه تأخذني وأروح
في هجوسي وش نوابي ياترى
ماعطاني فرصه أشكي له وأبوح
وإن كتبت آلام قلبي ماقرا
وإن نثرت الدمع في خدي سفوح
صد عني من غروره ثم سرى
فالقيت البارق الي لي يلوح
لين أوضح من على الثاني إفترى
سايقٍ نفسي على الفرصه شفوح
مثل سوق القطر لخدود الثرى
ودي أشكي مابقا للروح روح
كل يوم وحالتي ترجع ورا
وكان خلي فالهوى طبعه شحوح
رحمة الله واسعة وأمره جرى