اليوم يا حب عمري منك يكفيني
زاد الغلا وزاد تقصيرك وحقرانه
لا تحسب انه دلع حبك معنيني
وش حيله اللي عروقه منك خدرانه
تدري احبك ولا بعدك ينسيني
وتدري خلايا الخلايا فيك شرقانه
وتدري لهيب الهوى عقبك بيكويني
وبصير كني شجاع خانه احصانه
لا تعتذر غلطتك في الحق تكفيني
لو يبتسم داخلي بالحيل زعلانه
ارجوك روح عن دروبي وخليني
غطيتني بالندم واقفيت غرقانه
هذا الهوى يا عزيزي ما يثنيني
لو جبت لي لولو العالم ومرجانه
انا عزيزة وحرة لا تمنيني
كرامتي في السما لو كنت حيرانه
