أرفق على دمعك ولاتذرفه حيل
كثر الدمع ياعزوتي ما يفيدك
العام كنت بداخلي نجمة سهيل
واليوم مافي النفس شيء يريدك
غدت بك ليال عشمها غرابيل
حتى الرسايل ماتعانق بريدك
هذي حقيقة ماتبي منك تدليل
عمر الليالي ما تسامر عنيدك
مدري حداثة وقت ولابهاذيل
من عبرة الماضي كرهنا جديدك
وإلى نشف طرف يحب التعاليل
القى بحياتي من يقرب بعيدك
اكثر من الخافق تمنيت لاتميل
واكثر من ايامي تمنيت ازيدك
لكن جرحك نازف دون تاجيل
عي يجي في حظنا من يبيدك
ارحل عن القلب والحب ترحيل
ولا انتظر يمكن يحن ويعيدك
