يا من هويته والعذابي حداني

وانا الذي رغم المعاند رضيتك

نسيتني ما كان قلبك هواني

كانك نسيت الجرح انا ما نسيتك

ظلمتني مدري ظلمني زماني

مدري ظلمني الحظ يومي هويتك

كنت الهوى كنت المحبة وحناني

وكل المحبة شوق يكفي عطيتك

كان الغلط في طيبتي يا زماني

ابستمر بهاللغلط ما نخيتك

اما تقدر موقفي يوم اعاني

ولو انت شوك في طريق مشيتك

والا العتب على الذي لك حداني

حظي يا حظ الندامه رضيتك

وعلى العموم اختار لك حب ثاني

انا تراني لو تراجع نسيتك

ما تستحق انت الوفا يا اناني

انا كرهتك لو تجي ما بغيتك