أنا حبيت بالدنيا حبيب وعفت انا دنياه

حبيب كان بالأول حبيب وحبنا وافي

ومنه بان ما يخفى وقلبي يشتكي شكواه

معذب قلبي بحبه قبل ما يكشف الخافي

سمحت بدنيتي منه وعافت خطوتي ممشاه

اعالج جرحي بصدي واصد وربي الشافي

انا منه عرفت الحب وعفت الحب من طرياه

انا منه عرفت الهم رميت الهم انا خلافي

أنا منه عرفت الظلم ظلمني ناسيا ما جاه

أنا منه عرفت الصد دريت أنه معي غافي

أنا منه عرفت أنسى ومنه ما قويت أنساه

انا منه عرفت أجفي وهو منى يمي الجافي

أنا منه عرفت أقسى ومنه قاسيا وياه

عسفته طوع من يمي ولو ما نيب عسافي

عرفت الحب ما يسوي ولا من حب يلقى مناه

يجي يوم الهوى ضده وله يوم الهوى صافي

اذا زانت له الدنيا وفكره جاه ما يبغاه

لا بد الوقت ما يقسى وياطي بالوطي حافي

انا من عادتي وافي وأنا وافي معه وأهواه

واليا منه لفى يمي بيلقى ذيب وسنافي

أنا ما أشير بالفرقا وأنا ما أشير في لقياه

أنا بأقول من يمه خلاص الحب ذا كافي