لو كتبت الشعر بحروف الذهب
ماوصفت جروح قلبي والحنين
ا لشقا مقسوم والحب انكتب
من عذاب الحب حنا مشتكين
لو بغيت أنسى غرامك وانسحب
ما يطيع القلب وانتي تفهمين
ترسلين الموت باطراف الهدب
من سهوم العين جريت الونين
عن عذاب الصد هاتيلي سبب
فكري في الذنب وانتي تقتلين
ما سألت النار عن ذنب الحطب
احترق في صمت وانتي تنظرين
ما على الوقت ياخلي عتب
الزمن معذور لو باع السنين
قلتها باحساس والله ما كذب
يوم حبك صار في قلبي سجين
الفراق صعيب والجرح التهب
تدعين القرب وانتي تبعدين
الوفا معدوم لله العجب
وش بقا للناس ياسمح الجبين
شاعر الحرمان ما غنى طرب
قالها والقلب من همه حزين
لا تزيد الجرح ياوقت التعب
يكفي اللي صار بيحت الكنين
