في ذمة المولى يابو نواف
في ذمته,, واحسانك انوارك
في ذمته,, لو القبر ينعاف
غصبٍ علينا نقبله دارك
وفي ذمته,, لو الدموع اذراف
من فجعة اللي هالنا وزارك
حتى اليتيم اللي على ميهاف
خيّم عليه الحزن فقبارك
حتى القلم ياميرجاه ارعاف
ارعف حزن ودموعه تشارك
حيث الكرم يامير فيك الحاف
وبالطيب ماوالله طفت نارك
وعسى البقاء في غيبتك نواف
يامير ياللي فزت بادوارك
وعساك فالجنة مع الاسلاف
في جنة الله والنبي جارك
