ثارت هجوس الحزن في جوف الضمير
والعين تذرف دمعها باحزانها
حزن على حزن على حزن خطير
من لوعة بالقلب نبدي شانها
من يوم جونا في خبر ذاك الأمير
كن الجبال تشدنا باوزانها
في فقد ابو نواف ذا همٍ كبير
والله مصيبه زعزعت بيبانها
يا لوعة في يومها فقدٍ عسير
خيم عليها حزنها بالوانها
يا فقدةٍ للي يجير المستجير
يا فقدة يبكى على فقدانها
فقده وعلقمها على العالم مرير
والناس تبكي من عميم اخزانها
عليه عيني هلت الدمع الغزير
الدمع حرق مهجتي باجفانها
يا الله يااللي من لجا بك ما يحير
يا عالم في سرها واعلانها
حيث انت رب عالم ما بالمصير
يا الله تبدل سيته بأحسانها
وتثبته يجيب منكر مع نكير
وتكتب له الفردوس بين جنانها
يا سامع دعوة نباء عبد فقير
يا غافر الزلات للي خانها
يدعيك مخلوق من الثلث الأخير
يا الله تجيب الدعوة اللي صانها
انت العلي انت الولي انت الكبير
انت الرحيم انت العليم بشانها
انت النصير انت الخبير انت القدير
تجيب دعوة وافي برهانها
يا عل نفس فعلها فعل وفير
يا الله عسى الفردوس هو مسكانها
اقولها والدمع من عيني غزير
ودمع القصيدة فار من عنوانها
كل على فقدتك يا فيصل حسير
الله يصبرها بقو إيمانها
