فجيعه موت فيصلنا فجيعه
علينا وكل ذا العالم جميعه
كتب ربي يودعنا ويرحل
وحكم الرب ملزوم نطيعه
ابو نواف,, فقدانه خساره
وخسارتنا لفيصلنا فظيعه
شفاهٍ ترتعش وعيون تبكي
من الأحزان وأهوال الفجيعه
ولأبو فيصل عزانا في مصابه
دعانا تستجيبه,, يا سميعه
ولنواف الدعاء,, وأصدق عزانا
لآل سعود عزوتنا المنيعه
بكل قلوبنا,, موجود فيصل
بوفاته ضاقت الدنيا الوسيعه
بوقفاته رفع سمعة بلادي
بتوجيهه,, غدينا في الطليعه
له انجازات باخلاصه صنعها
خطى للمجد,, خطوات سريعه
جعل اسم الوطن بالحيل عالي
وطنّا اللي له الغالي نبيعه
توشح بالسواد الكون كله
على علمٍ اذاعاته تذيعه
يبي شمل العرب يلتم دايم
شعاره للجفاء لا,, والقطيعه
عسى من لامنا في حب مثله
يشوف الهم في نفسه يليعه
من انسانيته كل يحبه
يقدم كل شيء يستطيعه
مصيبتنا على فراقه كبيره
عساه بجنة الخلد الرفيعه
إلهي ارحمه واجزل ثوابه
وداعه,, واسترديت الوديعة
