كذا نموت,,وحزننا داخل الروح
نبقى كذا والحزن منا وفينا
صحيح ماينفع عزى الميت النوح
ندري ولكن,,آه,, وش في يدينا
غصب عليناوالوطن كله جروح
كن الوطن احساس ضيم لحدينا
فيصل نبت بقلوبنا وابعد الشوح
صب الغلا,, بعروقنا,, وأرتوينا
بأرواحنا, له قدر, وامجاد وصروح
وبإحساسنا كنه حدى والدينا
واللي يحبه وآلي الخلق, ممدوح
وأنا أشهد إنه يبتدي ليا أنتهينا
أقفى وحنا للوفاء ننشر البوح
نكتم, ونسكت, وان طرى له بكينا
ليت المنايا اجلت عنه باللوح
ماكان شفت الكون يشكي علينا
عساه بالفردوس يشدي له الدوح
ويلهم ذويه الصبر, لو ما سلينا
وكذا نموت, وحب فيصل من الروح
ونبقى كذا,ونواف, منا وفينا
