كلّنا فيصل -يابوفيصل- عيالك
وانت ابونا اللي غمرنا بالحنان
كلّنا نفداك, كانه ضاق بالك
حيثك الملجأ إلى ضاق الزمان
شعبك اللي عن يمين وعن شمالك
والسعيد اللي يجي باقرب مكان
ظهر يوم السبت كنّه ليل حالك
يوم قالوا -راح فيصل- بالبيان
ماقدرنا لأزرق الدمع انتمالك
الخبر من شدّته هز الكيان
رحت ياشبلٍ تعز اللي لجالك
عن دواعي الخوف تعطيه الأمان
رحت - لكن- ياكثر حبٍ بقالك
بالقلوب اللي -عرف فيصل-يبان
ياإلهٍ كل مخلوق سعالك
موعده بك -ياجليل الملك-حان
نسألك باسمائك وعزة جلالك
تسكنه - بالآخرة- خضر الجنان
