يا حبي اللي ما استشاره زماني
حط الشقا بالقلب وأثر على الراس
وليا خذا الاثنين باقي كياني
هيكل تحرك فيه ذرات الانفاس
انا سبب جرحي وما كنت اعاني
هواجس تضوي على القلب غلاس
النوم لي ايام ما عاد جاني
تقل يردونه عن العين حراس
واللي عطيته ما أملكه ما عطاني
حبٍ براده ينعش الروح نسناس
ما غرني غير الأمل والأماني
أمل ثمر زرع من يدين غراس
قوّم معاويده بوقت الأذاني
حس السواني كنها صوت الأجراس
هم وشقا يا رب يالمستعاني
حالة فلاليح القرى معظم الناس
وذي حالتي يا فاعلين الحساني
ياللي تبون بنية الخير نوماس
ان مافزعتوا وأصلح الرب شاني
والا الخبر عني غدا عين لماس
